Matiyu 19:29 - Ala Ya Salatikan Kula Kitabu

²⁹ Ni mɔɔ min ka aa bon to a kɔ, niwotɛ a badenmalu, niwotɛ a fa, niwotɛ a ba, niwotɛ a dennu, ani aa sɛnɛlu ka bɛn ǹa ko ma, wo vɛ kɛla, wo tii kɛtɔ wo ɲɔɔzii kɛmɛ (100) sɔlɔnna, ka niimaya banbali fana sɔlɔn.

Matiyu 19:29 ပူးပေါင်းရင်းမြစ်များ

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Matiyu 13:23

Malo minu na benna duu kein nɔ, wolu le mɔɔlu le minu yi Ala kumakan mɛnna k'a ɲaye. Kumakan wo yi donna ai josokun nɔ ka sawati iwo malo minu y'ai den kɛmɛ (100) kɛla, niwotɛ biwɔɔlɔ (60), niwotɛ bisawa (30).»

Matiyu 13:8

Malo dɔlu fana ka ben duu kein nɔ. Wolu ka sawati kosɛvɛ. A dɔlu k'ai den kɛmɛ (100) kɛ, a dɔlu biwɔɔlɔ (60), a dɔlu bisawa (30).

Matiyu 16:25

Kamasɔlɔn ni mɔɔ mɔɔ si y'a fɛ ka a nii lakisi, wo tii bɔnɔtɔ a la. Ni do mɔɔ min ka bɔnɔ a nii la ka bɛn ǹe ma, wo tii kɛtɔ niimaya sɔlɔnna.

Matiyu 19:16

Lon dɔ, kɛ́ dɔ ka na Isa ma k'a maɲininga, a vɛɛ: «Kalanmɔɔ, ǹ ka kan ka koɲuma mindɛ le kɛ fɔsa ǹ'i niimaya banbali sɔlɔn?»

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Matiyu 5:11

«Duwawuden ne ài le ni mɔɔlu k'ài jɛvɛ, k'ài jangata, ka tɔɔla ài la, ani ka kuma yon suu bɛ fɔ ài ma ǹa ko lɔ.

Matiyu 6:33

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Luka 14:26

«Ni mɔɔ min y'a fɛ ka na m̀ ma, ni wo tii m'i ban a fa lɔ, niwotɛ a ba, niwotɛ a moso, niwotɛ a dennu, niwotɛ a badenmalu, hali ale gbu ya niimaya, wo tii tɛ se kɛla ǹ kɔbiladen ne.

Luka 5:11

Wo ma, ai ka se kawun na mingɛ aiya kulunnu le, ai ka ko bɛ to je ka bila Isa kɔ.

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Yohana 15:19

Ni do ài tɛɛ kɛ dunuɲa ta le, a tɛɛ ài kanule iwo a ta. Kɛɛ ài tɛ dunuɲa ta le, kamasɔlɔn ǹ n'ài tala k'ài bɔ a bolo. Wo le n'a kɛla, àiya ko gbeyanin dunuɲa yɛ.

Yohana 4:36

Mɔɔ min yi malo kalila, wo tii y'a sala sɔlɔnna butu. A do yi malo ladɛnna ka bɛn niimaya banbali le ma, fɔsa malo sɛnɛba ni a kaliba yi sawa i ɲɔɔ fɛ.

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

2 Kolɛntikalu 5:16

Wo ma yi ne, mɔ tɛ mɔɔ mɔɔ si jatela butu mɔɔnivinya boloma. Hali mɔ tɛɛ Masa Tɔɔmasenin jatela boloɲa wo le ma kɔlɔman ne, kɛɛ tandainɔ, mɔ tɛ a jatela ten butu.

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

1 Piyɛli 4:14

Ni ài ka jɛvɛli masɔlɔn ka bɛn Masa Tɔɔmasenin tɔɔ ma, wo vɛ kɛla, duwawuden ne ài le, kamasɔlɔn Nii nɔɔlɔnin, min kɛnin Ala Nii le, wo vɛ la ài kɔkan.

3 Yohana 1:7

Kamasɔlɔn ai yi taama min na Masa Tɔɔmasenin tɔɔ le lɔ. Ai do tɛ ai bolo siila limaniyabalilu ya madɛmɛlifen foi kɔlɔ.