Matiyu 18:7 - Ala Ya Salatikan Kula Kitabu

⁷ Gbalo yi dunuɲamɔɔlu yɛ ka bɛn lafilikolu ma! Fɔ ko wolu yi na, kɛɛ gbalo yi mɔɔ wo yɛ min vɛ kɛla ko wolu sabu le!

Matiyu 18:7 ပူးပေါင်းရင်းမြစ်များ

Matiyu 16:23

Kɛɛ Isa k'i kɔdon k'a fɔ Piyɛli yɛ, a vɛɛ: «Ile Soitana, bɔ ǹ kɔ! Ile ǹ sentuu sabu le le, kamasɔlɔn i t'i milila Ala sawonankolu ma, mafɔ adamadennu sawonankolu.»

Matiyu 26:24

Ado Mɔɔnivin Tanin faatɔle iwo a sɛvɛnin kitabu kɔnɔ teme ka bɛn a ma. Kɛɛ mɔɔ min kɛtɔ a janvala, gbalo yi wo tii ma yɛ. Hali ni wo tii tɛɛ ma sɔlɔn, wo tɛɛ bɛnne a ma feu.»

Malɛkɛ 13:7

Ài vɛ kɛlɛkolu mɛnna ani kɛlɛ mangan, ài hangili kà ɲaami, kamasɔlɔn wolu ka kan ka kɛ, kɛɛ wo tɛ dunuɲa laban ne.

Luka 17:1

Wo kɔ, Isa vɛɛ a kɔbiladennu yɛ: «Fɔ kolu yi na minu kɛtɔ mɔɔlu lafilila, kɛɛ gbalo yi mɔɔ wo yɛ min vɛ kɛla ko wolu sabu le!

Yohana 17:12

Ǹ tɛɛ ai fɛ waate min nɔ, ǹ tɛɛ ai lakanala i tɔɔ ya seetiiya le lɔ, i na tɔɔ kelen min dila m̀ ma. Ǹ n'ai kunmafɛlɛnna, ado ai suu suu ma tunun, mafɔ halakiko latɛɛnin tɛɛ mɔɔ min ma, fɔsa kitabu kɔnɔ kuma ma yi fa teme.

Kɛkolu 1:16

A do vɛɛ ai yɛ: «M̀ badenmalu, fɔ kitabu kɔnɔ kuma ma tɛɛ fa, Nii Sɛnɛyanin ka Nabi Dawuda lɔ min fɔla ka bɛn Judasi ma, min na kɛla Isa minabalu ɲabila le.

1 Kolɛntikalu 11:19

Tuɲa le, fɔ lɔtalali yi don ài wotɛ, fɔsa mɔɔ sɔvɛlu yi se lɔnna ài tɛma.

1 Timote 6:1

Mɔɔ minu yi jɔnya lɔ, fɔ wolu bɛ yi aiya jɔnfalu jate mɔɔlu le minu ni buɲali bɛ kaannin, fɔsa Ala tɔɔ ni maa kalan la kana feya.

Tite 2:5

ani ka kɛ jɛlɛlɔminamɔɔ ni mɔɔ sɛnɛyanin ne, ka ɲumaya, k'ai jando aiya luma baalelu lɔ, ani k'ai fanmajii ai kɛ́nu yɛ. Wo vɛ kɛla, mɔɔ foi tɛnala Ala kumakan mafinna.

Tite 2:8

ka kuma sɔvɛlu fɔ, mɔɔ tɛ se min sɔsɔla, fɔsa mɔ juulu yi maloya, ai kana kuma yon suu suu sɔlɔn k'a fɔ mɔ ma.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.