Matiyu 18:10 - Ala Ya Salatikan Kula Kitabu

¹⁰ «Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.»

Matiyu 18:10 ပူးပေါင်းရင်းမြစ်များ

Matiyu 1:20

Jusufu ka to a milila wo ma, mɔ Tii ya mɛlɛka k'a jɛlɛ jiya a la kibalo lɔ. A vɛɛ a yɛ: «Jusufu, Dawuda bɔzɔn, i kà siyan Mɔyamu fuluko lɔ, kamasɔlɔn a na kɔnɔ tala Nii Sɛnɛyanin ne sabu la.

Matiyu 12:20

A tɛnala gbɔɔ kalinin lɔkalikalila. A do tɛnala fitina lasala, hali taa min yi sa boloma. A totɔ siya wo le kan haan fɔɔ a vɛ telenmandeya ladonna fan bɛ lɔ.

Matiyu 18:14

Wo boloɲa kelen ma, ài Fa min yi haijɛnɛ, wo t'a fɛ denni minu kelen gbu yi halaki.»

Matiyu 18:6

«Ni mɔɔ mɔɔ ka kɛ sabu le ka denni minu kelen lɔ julumbu tala, minu limaniyanin m̀ ma, a tɛɛ bɛnne wo tii ma ka kawa ba sili a kanna k'a lafili kɔɔ duunba lɔ.

Matiyu 2:13

Lɔnnilalu taa kɔ, mɔ Tii ya mɛlɛka k'a jɛlɛ jiya Jusufu la siwo lɔ, a vɛɛ a yɛ: «I wuli, i yi den ni a ba ta ka bɔli ai le Misilan jamana lɔ. I yi to je haan fɔɔ m̀'ɛ a fɔla i yɛ lon min na i i kɔsei, kamasɔlɔn Helodi kɛtɔ den ɲininna a faako lɔ.»

Matiyu 2:19

Helodi sa kɔ, mɔ Tii ya mɛlɛka k'a jɛlɛ jiya Jusufu la siwo lɔ Misilan.

Matiyu 24:31

Wo kɔ, a kɛtɔ aa mɛlɛkalu lataala dunuɲa tongun naani bɛ la buulufɛkan ba le. Ka damina dunuɲa kun ma ka taa sii a juu la, aa mɛlɛkalu kɛtɔ aa mɔɔ taninnu ladɛnna.»

Luka 1:19

Mɛlɛka k'a javi, a vɛɛ: «Ǹe le Jibililu le min lɔnin Ala ɲakɔlɔ. Ǹ kelayanin samakan kein min lasenko le lɔ i ma.

Luka 10:16

Isa k'a fɔ a kɔbiladennu yɛ, a vɛɛ: «Mɔɔ min v'a tolomalɔla ài la, wo tii v'a tolomalɔ ǹ na. Mɔɔ min v'i banna ài lɔ, wo tii v'i ban ǹe fana lɔ. Ado mɔɔ min v'i banna ǹ nɔ, wo tii v'i ban ǹ kelaba lɔ fana.»

Luka 16:22

«Lon dɔ, fandanni wo ka sa, mɛlɛkalu do k'a ta ka taa a lasii Nabi Ibulahima tɔɔfɛ. Nafolotii fana ka sa, ai do k'a sudoon.

Kɛkolu 10:3

Lon dɔ, wuladala lɛlɛ sawa waate, Ala ka ko dɔ lajɛlɛ Kɔɔnɛli ɲa ma. A do ka Ala ya mɛlɛka dontɔla ye bon na k'a fɔ a yɛ, a vɛɛ: «Kɔɔnɛli!»

Kɛkolu 12:15

Ai do vɛɛ a yɛ: «Fa l'i lɔ!» Kɛɛ Loda k'a to a fɔla k'a magbeleya ko Piyɛli le. Ai do vɛɛ: «A yi kɛ aa mɛlɛka le le.»

Kɛkolu 12:23

Telemanin, mɔ Tii ya mɛlɛka dɔ ka Helodi gbasi, kamasɔlɔn a ma magbiliyali di Ala ma. Wo kɛ, tɔnɔngɔlu k'a noolu dɔn k'a faa.

Kɛkolu 27:23

Kamasɔlɔn ǹ'i Ala min ta le, ani ǹ'i baale kɛla min yɛ, wo ya mɛlɛka dɔ k'i lɔ ǹ dafɛ kunun su lɔ.

Kɛkolu 5:19

Kɛɛ su lɔ, mɔ Tii ya mɛlɛka dɔ ka kasobon da laka k'ai labɔ je. A do vɛɛ ai yɛ:

Lɔmukalu 14:10

Ile koni, i i badenma kitila mindɛ lɔ? Niwotɛ, a yi di vɛ i jɔnin i badenma ma? Kamasɔlɔn mɔ bɛ lalɔtɔle Ala ɲakɔlɔ kititɛɛko lɔ.

Lɔmukalu 14:21

A bɛnyine i kà soo dɔn, niwotɛ ka gbɛ min, niwotɛ ka ko ko si kɛ min yi kɛ i badenma lafiliko sabu le.

Lɔmukalu 15:1

Ǹu minu sawatinin limaniya lɔ, mɔ ka kan ka mɔ bolo sii dɔlu kɔlɔ minu ya limaniya dɔɔyanin, jani m'i gbala mɔ jɛlɛkanu diyanankolu le dein.

1 Kolɛntikalu 11:22

A yi di vɛ? Bon tɛ ài bolo, ài yi dɔnni kɛ k'i min tɛɛminja? Jalasa ài y'a fɛ ka Ala ya limaniyajama lafeya ka bolokolonnu lamaloya? Ǹ'i mindɛ fɔ ài yɛ wo lɔ? Ǹ'ài matɔɔ wo lɔ? Ǹ tɛ wo kɛ feu!

1 Kolɛntikalu 16:11

Wo lɔ, mɔɔ mɔɔ kà jɔ a ma. Ài y'a madɛmɛn k'a lasei m̀ ma jan hɛlɛ lɔ, kamasɔlɔn ǹe ni mɔ badenma tɔlu y'a makɔnɔna.

1 Kolɛntikalu 9:22

M̀'ɛ kɛla mɔɔlu tɛma minu fanga dɔɔyanin limaniya lɔ, ǹ'i ǹ jɛlɛ kɛla iwo ai dɔ, fɔsa ǹ'i se ai masɔlɔnna teme. Ǹ'i ǹ jɛlɛ kɛla mɔɔ suu bɛ dɔ le mɔɔ bɛ yɛ, fɔsa boloɲa bɛ dɔ ma, ǹ'i se a dɔlu lakisila teme.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 10:10

Kamasɔlɔn mɔɔ dɔlu y'a fɔla, ai vɛɛ: «Pɔli ya lɛtɛlɛlu magbiliyayine k'ai faiya, kɛɛ ale gbu vɛ kɛla mɔ ɲakɔlɔ, fanga tɛ kɛla a la, ani a dalakan tɛ foi ɲia.»

Galatiyakalu 6:1

M̀ badenmalu, ni mɔɔ dɔ ka mina hakɛ dɔ la, àilu minu yi taamana ka bɛn Nii Sɛnɛyanin sawo ma, ài yi wo tii laseikɔ siya bɛlɛ kɔkan sɔniyali boloma. Kɛɛ ài jando ài jɛlɛ lɔ, àilu gbu ma kana nɛɛ ka wo ɲɔɔzii kɛ.

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 9:24

Kamasɔlɔn Masa Tɔɔmasenin ma don lɔhɔlɔma dingila kɔnɔ min lɔnin adamadennu bolo, min yi fen bɛlɛbɛlɛ sawula le dein. Kɛɛ a jɛlɛnin haijɛnɛ gbugbu le kɔnɔ, fɔsa a yi lɔ Ala ɲakɔlɔ mɔ yɛ.

Ko Lankɛnɛmayanin 8:2

Ǹ ka mɛlɛka wolowulan ye minu yi lɔla Ala ɲakɔlɔ, ado buulu wolowulan ka don ai bolo a fɛko lɔ.