Matiyu 17:5 - Ala Ya Salatikan Kula Kitabu

⁵ Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 17:5 ပူးပေါင်းရင်းမြစ်များ

Matiyu 12:18

«Ǹa bɔiden ne ne, ǹ na min tala mɔɔlu tɛma. A do yi ǹ diyananmɔɔ le, min yi ǹ kɔnɔlɔdiyala bubale. Ǹ kɛtɔ ǹ Nii Sɛnɛyanin lajiila a kɔkan, a do kɛtɔ Ala ya telenmandeyako lasena siboloma gbɛlɛlu ma.

Matiyu 17:6

Wo mɛn Isa kɔbiladennu bolo, ai k'ai ben duu ma k'ai kun mabilin siyan boloma.

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Malɛkɛ 1:11

Kumakan dɔ ka bɔ sangbolo lɔ, a vɛɛ: «I yi ǹ diyanan Denkɛ le le. I do vɛ ǹ kɔnɔlɔdiya bubale.»

Malɛkɛ 9:7

Wo kɛ, sanbiliya ka na bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne. Ài y'ài tolomalɔ a la.»

Luka 3:22

ado Nii Sɛnɛyanin ka jii a kɔkan poponi sawula lɔ. Kumakan dɔ ka bɔ sangbolo lɔ, a vɛɛ: «I yi ǹ diyanan Denkɛ le le. I do vɛ ǹ kɔnɔlɔdiya bubale.»

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 3:35

Fa y'a Denkɛ kanula. A do vɛ fen bɛ bila a fanga kɔlɔ.

Yohana 5:37

Ado ǹ Fa min na ǹ kelayala, wo gbu yi seleya dila ka bɛn m̀ ma. Kɛɛ ài do ma a kan mɛn ba, kumatɛ ka a ɲakɔlɔla ye.

Kɛkolu 1:9

Isa wɔlinin wo fɔla, a kɔlɔ ka ta ai ɲana ka jɛlɛ sangbolo lɔ, ado sanbiliya ka a latunun ai ma.

Kɛkolu 7:37

«Wo Musa kelen ne k'a fɔ Bani Isilankalu yɛ, a vɛɛ: ‹Ala kɛtɔ kela dɔ lanala ài ma ka bɔ ài badenmalu tɛma, iwo ǹe.›

Ɛfɛsikalu 1:6

A na wo kɛla fɔsa m'i Ala tanu ka bɛn aa nɛɛma makawanin ma, a na mɔ sɔla min sɔ a diyanan Denkɛ sabu la.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 14:14

Ǹ ka to kolasaala, sanbiliya gbɛ dɔ ka bɔ gbɛ la ǹ ɲakɔlɔ. Min tɛɛ siinin sanbiliya wo kɔkan, wo kɛyine tɛɛ iwo mɔɔnivin, sanu fula vɛ a kunna, wɔlɔtɔ damaanin vɛ a bolo.