Matiyu 16:8 - Ala Ya Salatikan Kula Kitabu

⁸ Isa k'ai miliya lɔn mingɛ, a vɛɛ ai yɛ: «Àilu minu ya limaniya dɔɔyanin, mindɛ lɔ ài y'a fɔla i ɲɔɔ yɛ ko bulu tɛ ài bolo?

Matiyu 16:8 ပူးပေါင်းရင်းမြစ်များ

Matiyu 14:31

Isa k'a bolo lɔsama telemanin ka Piyɛli mina, a vɛɛ a yɛ: «Ile min ya limaniya dɔɔyanin, mindɛ y'a kɛla vɛ i yi sikala?»

Matiyu 16:7

A kɔbiladennu do vɛɛ i ɲɔɔ yɛ: «A yi wo fɔla kamasɔlɔn mɔ ma na bulu le.»

Matiyu 6:30

Àilu minu ya limaniya dɔɔyanin, ni Ala yi tuukɔlɔbinnu feeyabɔla ten, minu yi je bi k'ai ɲɛnin taa lɔ sinin, a tɛnala ài feeyabɔla ka timin wolu la?

Matiyu 8:26

Kɛɛ a do vɛɛ ai yɛ: «Àilu minu ya limaniya dɔɔyanin, mindɛ do y'a kɛla vɛ ài yi siyanna?» Wo fɔ a bolo, a k'i wuli ka kɔɔ ni fɔɲɛ jamali, ado kɔɔ ni fɔɲɛ lɔ ka sumaya tue.

Malɛkɛ 16:14

A laban nɔ, Isa k'a jɛlɛ jiya aa keladen mɔɔ tan ni kelen (11) na, ai tɛɛ dɔnnila waate min nɔ. A do k'ai makuma ka bɛn aiya limaniyabaliya ma ani aiya kunnɔgbeleya. Kamasɔlɔn ai ma la mɔɔ wolu la minu na a ɲɛnɛma yena a wuli kɔ ka bɔ saya lɔ.

Yohana 16:30

Mɔ v'a ɲaye butu ko i ka ko bɛ lɔn, i do mako tɛ mɔɔ ya ɲiningali la. Wo le n'a kɛla, mɔ vɛ limaniya k'a fɔ ko i nanin ka bɔ Ala le fɛlɔ.»

Hebululu 4:13

Dannifen suu suu doonnin tɛ Ala ma, mafɔ ai bɛ makolonyine ani k'ai labɔ gbɛ la a ɲakɔlɔ, mɔ kɛtɔ mɔ dandɛɛla ale min yɛ.

Ko Lankɛnɛmayanin 2:23

Ado ǹ kɛtɔ a dennu faala. Wo vɛ kɛla, limaniyajamalu bɛ kɛtɔ a lɔnna ko ǹe le yi mɔɔ bɛ josokun ni ai kɔnɔlɔkolu lasaala, ado ǹ kɛtɔ ài kelenkelenna bɛ salala ka bɛn ài kɛkolu le ma.