Matiyu 16:21 - Ala Ya Salatikan Kula Kitabu

²¹ Ka ta waate wo ma, Isa tɛɛ a fɔla a kɔbiladennu yɛ k'a lagbɛ, ko a ka kan ka taa Jelusalɛmu ka tɔlɔya siyama masɔlɔn kɛmɔbalu ni salakalase kuntiibalu ani seliya kalanmɔɔlu bolo. Ko a faatɔle, kɛɛ tele fila a sawana, a wulitɔle.

Matiyu 16:21 ပူးပေါင်းရင်းမြစ်များ

Matiyu 12:40

Kamasɔlɔn Nabi Yunusa ka tele sawa ni su sawa kɛ jɛɛ ba kɔnɔ teme, Mɔɔnivin Tanin fana kɛtɔ tele sawa ni su sawa kɛla kabulu lɔ ten ne.

Matiyu 16:22

Wo lɔ, Piyɛli k'i dɔni mataa Isa le k'a makuma damina. A do vɛɛ a yɛ: «Ǹ Kuntii, Ala y'i tanga wo ma. Wo tɛ kɛ tuun!»

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 17:12

Ǹ'a fɔ ài yɛ, Nabi Iliya vɛ ban nala, kɛɛ mɔɔlu tɛɛ m'a lɔn, mafɔ ai k'ai sawonanko bɛ kɛ a la. Wo boloɲa kelen ma, Mɔɔnivin Tanin fana tɔlɔyatɔle ai bolo.»

Matiyu 17:9

Isa nu jiitɔla tini la, a k'ai jamali, a vɛɛ: «Ài na min yena, ài kà wo fɔ mɔɔ suu suu yɛ bene, fɔ Mɔɔnivin Tanin v'i wulila ka bɔ saya lɔ.»

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Matiyu 26:2

«Ài k'a lɔn, a vɛ to tele fila, Timinkunna Selilon yi se. Wo vɛ kɛla, ai kɛtɔ Mɔɔnivin Tanin minala ka a don a juulu bolo a gbaanko lɔ kɔlɔman ma.»

Matiyu 26:47

Isa ka to kumala, Judasi ka se je, min tɛɛ aa keladen mɔɔ tan ni fila (12) dɔ le. Jama ba tɛɛ a kɔ siyamifan ni kɔlɔmankulunnu le. Ai kelayanin tɛɛ salakalase kuntiibalu ni kɛmɔbalu le bolo.

Matiyu 27:12

Kɛɛ salakalase kuntiibalu ni kɛmɔbalu ka Isa jalaki ka bɛn ko minu ma, a m'a dɔ fɔ ai fɛ.

Matiyu 27:63

Ai do vɛɛ a yɛ: «Mɔ kuntii, mɔɔlafiliba wo ka kuma dɔ fɔ a tɛɛ a nii la waate min nɔ, mɔ hangili toyine wo lɔ, ko tele fila a sawana a wulitɔ ka bɔ saya lɔ.

Matiyu 28:6

A tɛ jan butu. A v'i wuli iwo a n'a fɔla teme. A fuleni lanin tɛɛ tɛɛminja, ài yi na vɛ, ài ɲa kaa je.

Malɛkɛ 8:31

Wo kɔ, Isa k'a kɔbiladennu kalan damina ko ale Mɔɔnivin Tanin ka kan ka tɔlɔya siyama masɔlɔn. Kɛmɔbalu ni salakalase kuntiibalu ni seliya kalanmɔɔlu kɛtɔ ai banna a lɔ, k'a mina, ani k'a faa. Kɛɛ tele fila a sawana, a wulitɔ ka bɔ saya lɔ.

Malɛkɛ 9:12

Isa k'ai javi, a vɛɛ: «Tuɲa le, Nabi Iliya ka kan ka na kunfɔlɔ le ka ko bɛ lɔbɛn. Kɛɛ mindɛ lɔ a sɛvɛnin kitabu kɔnɔ ko Mɔɔnivin Tanin ka kan ka tɔlɔya bubale, ko mɔɔlu kɛtɔ ai banna a lɔ?

Luka 17:25

Kɛɛ fɔ a yi tɔlɔya siyama masɔlɔn kunfɔlɔ le, ani bi mɔɔlu yi ban a lɔ.

Luka 24:46

A k'a fɔ ai yɛ kɔtunun, a vɛɛ: «A sɛvɛnin ten ne ko Masa Tɔɔmasenin kɛtɔ tɔlɔyala, kɛɛ a tele sawana lon, a wulitɔ ka bɔ saya lɔ,