Matiyu 16:18 - Ala Ya Salatikan Kula Kitabu

¹⁸ Ǹ'a fɔla i yɛ fana, ile le Piyɛli le, min kɔlɔ yi ko falakolo. Ǹ kɛtɔ ǹa limaniyajama lɔla falakolo wo le kɔkan. Hali saya tɛnala see sɔlɔnna jama wo ma.

Matiyu 16:18 ပူးပေါင်းရင်းမြစ်များ

Matiyu 10:2

Keladen mɔɔ tan ni fila (12) wolu tɔɔ le ne: a kunfɔlɔ Simɔn (ai y'a fɔla min ma ko Piyɛli), ani a dɔɔni Andele, ani Zebede denkɛ Janguba ni a dɔɔni Yohana,

Matiyu 11:23

Kapɛlɛnamukalu, àilu do? Ài y'ài milila ko àiya so jɛlɛtɔle haan ka sii haijɛnɛ la? Wo tɛnala kɛla! Ài jiitɔle haan fɔɔ ka se jahanama! Kamasɔlɔn kawananko minu kɛnin ài fɛlɔ, ni wo suu tɛɛ ka kɛ Sɔdɔmu so kɔnɔ, so wo tɛɛ tole a nɔ lɔ ka sii bi la.

Matiyu 18:17

Ni do a k'i ban a tolomalɔla ai la, i yi wo lase limaniyajama ma. Ni do a k'i ban a tolomalɔla limaniyajama la kɔtunun, i y'a jate iwo Alalɔnbali, niwotɛ niisɔɔnminaba.

Matiyu 4:18

Lon dɔ, Isa taamantɔla Galile kɔɔ kawun na, a ka badenmakɛ fila ye: Simɔn (ai y'a fɔla min ma ko Piyɛli), ani a dɔɔni Andele. Wolu tɛɛ jɔ lafilila kɔɔ lɔ, kamasɔlɔn ai tɛɛ kɔɔsɔmɔnin ne le.

Matiyu 7:24

«Mɔɔ mɔɔ v'a tolomalɔla ǹ kumakannu la k'ai labato, wo tii kɛtɔ iwo kɛ́ hangilima min na aa bon lɔla fala kɔkan.

Yohana 1:42

Wo ma, Andele ka taa Simɔn ne Isa fɛ. Isa do k'i ɲa kaa a lɔ k'a fɔ a yɛ, a vɛɛ: «Yohana denkɛ Simɔn ne i le le, ai do kɛtɔ a fɔla i ma ko Sefasi.» (Sefasi ni Piyɛli yi tɔɔ kelen ne le. Ai kɔlɔ le ko Kawa.)

Kɛkolu 2:47

Ai tɛɛ Ala tanula waate bɛ, ai do kokɛɲa tɛɛ mɔɔ bɛ josolajiila. Lon lon, mɔ Tii tɛɛ mɔɔlu lakisila k'ai bɔ aiya julumbulu lɔ, ka wolu kafon mɔɔ lakisininnu kɔkan.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Kɛkolu 8:1

Ado Sawuli ka diɲa Etiyɛn faako ma. Wo lon kelen na, jangata ba k'i wuli limaniyajama kanma Jelusalɛmu so kɔnɔ. Wo lɔ, ai bɛ ka jɛzɛn Jude ni Samaliya koovilu fan bɛ lɔ. Keladennu le ma bɔ Jelusalɛmu dein.

1 Kolɛntikalu 15:55

Ile saya, iya seetiiya yi min? Ile saya, iya dimin yi min?»

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Ɛfɛsikalu 3:10

fɔsa tandainɔ yi ne limaniyajama sabu la, sangbololɔ kuntiilu ni fangatii yenbalilu la yi lɔnni Ala ya hangilimaya suu bɛ la.

Ɛfɛsikalu 5:32

Gbonoko ba le min ne, kɛɛ ǹ'i kumala ka bɛn Masa Tɔɔmasenin ni aa limaniyajama le ma.

Kɔlɔsikalu 1:18

Ale le limaniyajama falikolo kun ne. Ale le a damina le, ani Denkɛ kunfɔlɔ min wulinin ka bɔ saya lɔ, fɔsa a yi lɔya kunfɔlɔ sɔlɔn fen bɛ kunna.

1 Timote 3:15

ni ko ka m̀ matamala, i y'a lɔn Ala ya bon dongolu ka kan ka taama teme, minu kɛnin Ɲɛnɛmayatii Ala ya limaniyajama le, tuɲa jusiinin min kɔkan k'a bama.

1 Timote 3:5

Kamasɔlɔn ni mɔɔ min ma se a jɛlɛkanu ya bonnakolu ɲabɔla kobɛn, wo tii yi se a jandola Ala ya limaniyajama lɔ di?

Hebululu 12:28

Komi m'i masaya sɔlɔn bolo le ma min la tɛ se jaajaala, wo lɔ saa, ài m'i balika bɔ Ala yɛ k'a ladiyanan batoli kɛ buɲali ni siyan boloma.

Ko Lankɛnɛmayanin 11:15

Mɛlɛka wolowulanna ka a ta buulu fɛ mingɛ, kumakan ba dɔlu ka bɔ haijɛnɛ kɔnɔ, wolu vɛɛ: «Dunuɲa masaya vɛ kɛ mɔ Tii ni aa Masa Tɔɔmasenin ta le. A do totɔle masaya la habadan!»

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.