Matiyu 16:16 - Ala Ya Salatikan Kula Kitabu

¹⁶ Simɔn Piyɛli k'a javi, a vɛɛ: «Ile le Masa Tɔɔmasenin ne, ani Ɲɛnɛmayatii Ala Denkɛ.»

Matiyu 16:16 ပူးပေါင်းရင်းမြစ်များ

Matiyu 1:16

Janguba ka Jusufu sɔlɔn, min moso tɛɛ Mɔyamu le. Mɔyamu wo le ka Isa sɔlɔn, ai y'a fɔla min ma ko Masa Tɔɔmasenin.

Matiyu 14:33

Mɔɔ minu tɛɛ kulun kɔnɔ, ai k'ai ten bilin Isa kɔlɔ a batoko lɔ, ai vɛɛ: «Tuɲa le, Ala Denkɛ le i le!»

Matiyu 16:15

A k'ai maɲininga, a vɛɛ: «Àilu do? Ài yi ǹ jatela jene le?»

Matiyu 26:63

Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»

Matiyu 27:54

Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»

Matiyu 4:3

Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.»

Malɛkɛ 14:61

Kɛɛ Isa ka jeden. A ma javili kɛ. Salakalasebalu ya kuntiiba k'a maɲininga kɔtunun, a vɛɛ: «Jalasa ile le Masa Tɔɔmasenin ne? Tanuli yi min yɛ, wo denkɛ?»

Luka 2:11

Bi koni, Masakɛ Dawuda ya so la, Lakisilikɛba vɛ sɔlɔn ài yɛ, min taanin kɛla mɔ Tii Masa Tɔɔmasenin ne.

Yohana 1:49

Nataniyɛli k'a javi, a vɛɛ: «Kalanmɔɔ, Ala Denkɛ le i le le, ani Isilan masakɛ!»

Yohana 11:27

Maata do k'a javi, a vɛɛ: «Aan, ǹ Kuntii. M̀'ɛ limaniya k'a fɔ ile le Masa Tɔɔmasenin ne ani Ala Denkɛ, min ka kan ka na dunuɲa.»

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 6:57

Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Yohana 6:68

Simɔn Piyɛli k'a javi, a vɛɛ: «Ǹ Kuntii, m'i taa jene kɔ ni ile tɛ? Niimaya banbali kumalu yi ile le bolo.

Yohana 6:69

Mɔ do vɛ limaniya yi ne, ani k'a lɔn ko ile le Ala ya Mɔɔ Sɛnɛyanin ne.»

Kɛkolu 14:15

«Kɛ́lu, mindɛ lɔ ài yi ko suu min kɛla yi ne? Ǹu gbu yi mɔɔnivin ne le iwo àilu. Mɔ bɛ yi suu kelen ne le. Mɔ nanin Samakan Kein ne lasena ài ma, fɔsa ài yi kofuun minu to je ka Ɲɛnɛmayatii Ala bato, min na sangbolo ni duukolo ni kɔɔji ladanna ani ai kɔnɔlɔfen bɛ.

Kɛkolu 8:36

Ai ka to taala ka se kɔɔ dɔ ma mingɛ, kɛ́ do vɛɛ Filipe yɛ: «A ye, kɔɔ le ne! Mindɛ le yi ǹ dansiila m̀ makoko la?»

Kɛkolu 8:37

[Filipe k'a javi, a vɛɛ: «Ni i ka limaniya i josokun bɛ la, wo yi sene kɛla.» Kɛ́ do vɛɛ: «M̀'ɛ limaniya k'a fɔ ko Masa Tɔɔmasenin Isa yi Ala Denkɛ le le.»]

Kɛkolu 9:20

A ka taa telemanin ka kawanili damina Jahudiyalu ya Aladalibonnu la, ka to a fɔla ai yɛ ko Isa yi Ala Denkɛ le le.

Lɔmukalu 1:4

Kɛɛ Nii Sɛnɛyanin na aa ko jiyala fanga le boloma k'a fɔ ko Ala Denkɛ le a le, ka bɛn a wuliko ma ka bɔ saya lɔ.

2 Kolɛntikalu 1:19

Kamasɔlɔn Ala Denkɛ Masa Tɔɔmasenin Isa, ǹe ni Silasi ni Timote na min ya ko lasena ài ma, wo ya ko ma kɛ «aan» ni «ɛnɛn» ko le, mafɔ aa ko yi «aan» ko le le kudein.

2 Kolɛntikalu 3:3

Tuɲa le, ài y'a jiyala gbesekele ko àilu le kɛnin lɛtɛlɛ le, Masa Tɔɔmasenin na min sɛvɛla maa baale sabu la. Wo do sɛvɛnin tɛ duwaji la, mafɔ Ɲɛnɛmayatii Ala Nii Sɛnɛyanin. A do sɛvɛnin tɛ kawa fɛlɛnnu kɔkan, mafɔ adamadennu josokun nɔ.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

1 Tɛsalonikakalu 1:9

Kamasɔlɔn mɔɔ wolu gbugbu le yi ko minu dandɛɛli kɛla, ài n'ài bolo siila mɔ kɔlɔ teme, ani ài n'ài kɔdonna joolu la teme ka baale kɛ Ɲɛnɛmayatii Ala yɛ, min kɛnin Ala bɛlɛbɛlɛ le.

1 Timote 3:15

ni ko ka m̀ matamala, i y'a lɔn Ala ya bon dongolu ka kan ka taama teme, minu kɛnin Ɲɛnɛmayatii Ala ya limaniyajama le, tuɲa jusiinin min kɔkan k'a bama.

1 Timote 4:10

Wo le y'a ma, m'i mɔ lɔjala ka baale kɛ, kamasɔlɔn mɔ jei siinin Ɲɛnɛmayatii Ala le la, min yi adamaden bɛ Lakisiba le, limaniyamɔɔlu bɛlɛbɛlɛ.

Hebululu 10:31

Wo yi ko masiyannin ba le le dɛ, k'a fɔ mɔɔ yi bila Ɲɛnɛmayatii Ala la!

Hebululu 12:22

Kɛɛ àilu koni vɛ ài madon Ziyɔn tini la, min yi Ɲɛnɛmayatii Ala ya so le, ani Jelusalɛmu min yi haijɛnɛ, mɛlɛka waa jilika ladɛnnin tɛɛminja sawa boloma.

Hebululu 3:12

M̀ badenmalu, ài y'ài jando ài jɛlɛ lɔ, alako miliya yon ni limaniyabaliya kana don ài suu suu josokun nɔ, min yi kɛ sabu le k'ài mataa Ɲɛnɛmayatii Ala la.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.

1 Yohana 4:15

Ni mɔɔ min k'i lɔ a la ko Isa yi Ala Denkɛ le le, wo vɛ kɛla, Ala yi wo tii ya kafonɲɔɔya lɔ, ado wo tii fana yi Ala ya kafonɲɔɔya lɔ.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?

Ko Lankɛnɛmayanin 7:2

Ǹ ka mɛlɛka dɔgbɛlɛ ye kɔtunun, wo tɛɛ jɛlɛla ka bɔ telebɔ fannɔ, Ɲɛnɛmayatii Ala ya tɔɔmasebilafen vɛ a bolo. Mɛlɛka wo ka dɔ mɛlɛka naani kili kan ba lɔ, see tɛɛ vɛ di minu ma ko ai yi duukolo ni kɔɔji halaki.