Matiyu 15:31 - Ala Ya Salatikan Kula Kitabu

³¹ Jama ka kawakoya bobolu yenko lɔ kumala, ka tɔɔkelenmajiilu kɛnɛyanin ye, ka namalanilu ye taamana, ani ka ɲagbɛlu ye yeni kɛla. Ai do ka Bani Isilankalu Tii Ala tanu.

Matiyu 15:31 ပူးပေါင်းရင်းမြစ်များ

Matiyu 15:30

Mɔɔ siyama vɛ nala a ma aiya namalanilu le, ani ɲagbɛlu, ani bobolu ani jangalotɔ suu siyama. Ai ka wolu bɛ lala Isa kɛɛna mingɛ, a k'ai bɛ lakɛnɛya.

Matiyu 18:8

«Ni i bolo niwotɛ i sen k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ niwotɛ i senkelentɔ ka don niimaya banbali lɔ, wo le fisayanin i ma, jani i bolofilatɔ niwotɛ i senfilatɔ la yi fili taa banbali lɔ.

Matiyu 21:14

Ɲagbɛ ni namalanilu tɛɛ nala Isa ma lɔhɔlɔmabonba luu kɔnɔ, a do ka wolu lakɛnɛya.

Matiyu 8:10

Wo mɛn Isa bolo, a ka kawakoya k'a fɔ a kɔbilabalu yɛ, a vɛɛ: «Ǹ'i tuɲa fɔ ài yɛ, m̀ ma limaniya min ɲɔɔzii ye ba Bani Isilankalu tɛma bene.

Matiyu 9:32

Kɛ́ fila wolu bɔtɔla, mɔɔlu ka na kɛ́ dɔ le Isa fɛ, jina tɛɛ vɛ min kɛ bobo le.

Matiyu 9:33

Isa ka jina gbɛn mingɛ, bobo wo vɛ kumala. Jama ka kawakoya, ai vɛɛ: «Wo ɲɔɔzii tɛɛ ma kɛ ba Isilan jamana lɔ feu!»

Matiyu 9:8

Jama ka wo ye mingɛ, ai ka siyan. Ai do ka Ala tanu, kamasɔlɔn ale le na seetiiya min suu dila adamadennu ma.

Malɛkɛ 2:12

Kɛ́ do v'i wulila telemanin ka aa dɛvɛ ta ka taa aa bon na mɔɔ bɛ ɲakɔlɔ. Ai bɛ ka kawakoya ka Ala tanu, ai vɛɛ: «Mɔ ma min ɲɔɔzii ye ba bene feu!»

Malɛkɛ 7:37

Ai do ka kawakoya bubale, ai vɛɛ: «A yi ko bɛ kɛla kobɛn. A yi tologbɛlɛnnu tolo lakala ani ka bobolu lakuma!»

Malɛkɛ 9:43

Ni i bolo k'i lɔ julumbu tala, i y'a tɛɛ a la k'a lafili. Kamasɔlɔn ni i bolokelentɔ ka don niimaya banbali lɔ, wo le fisayanin i ma, jani i bolofilatɔ la yi fili jahanama taa banbali lɔ.

Luka 14:13

Kɛɛ ni i do ka feeti dɔnni lɔbɛn, i yi fandannilu kili, ani namalanilu, ani senkelennilu, ani ɲagbɛlu.

Luka 14:21

Bɔiden ka taa wo ɲafɔ aa kuntii yɛ mingɛ, wo josola ka kuna bubale. A do vɛɛ bɔiden yɛ: ‹Taa telemanin so kɔnɔ, i ɲa kaa siyaba ni siyanilu bɛ la, i yi na fandannilu le, ani namalanilu, ani ɲagbɛlu, ani senkelennilu.›

Luka 18:43

A do ɲa la ka ka telemanin. Wo lɔ, a ka bila Isa kɔ, a vɛ Ala tanula. Jama ka wo ye mingɛ, ai bɛ vɛ Ala tanula fana.

Luka 7:16

Mɔɔ bɛ ka siyan wo lɔ ka Ala tanu, ai vɛɛ: «Kela ba dɔ v'i wuli mɔ tɛma!» Ai do vɛɛ kɔtunun: «Ala vɛ na bɔ aa mɔɔlu ma!»

Yohana 9:24

Kɛ́ min sɔlɔnnin tɛɛ ɲagbɛtɔya lɔ, Falisilu k'a kili a siɲa filana lɔ k'a fɔ a yɛ, ai vɛɛ: «Magbiliyali di Ala ma! Mɔ k'a lɔn ne ko kɛ́ wo yi julumbutɔ le le.»