Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»
Ai donnin bon na ka denni ni a ba Mɔyamu ye, ai k'ai ten bilin a kɔlɔ a batoko lɔ. Wo kɛ, ai k'aiya nafololu labɔ ka kɛ denni sama le: sanu, wusulan, ani kɔlɔmanjɛn sumadiyanin min tɔɔ yi ko milu.
Kɛɛ Isa ka jeden. Salakalase kuntiiba do vɛɛ a yɛ: «Ǹ'a fɛ i yi kalin Ɲɛnɛmayatii Ala tɔɔ la k'a fɔ mɔ yɛ ni ile le Masa Tɔɔmasenin ne, ani Ala Denkɛ.»
Sɔdasi kuntii ni aa mɔɔ minu ɲa bɛnnin tɛɛ Isa ma, wolu ka duukolo jaajaatɔ ye mingɛ, ani ko minu bɛ kɛnin, ai ka siyan bubale. Ai do vɛɛ: «Tuɲa le, kɛ́ min tɛɛ Ala Denkɛ le le!»
Kɛɛ Isa ka jeden. A ma javili kɛ. Salakalasebalu ya kuntiiba k'a maɲininga kɔtunun, a vɛɛ: «Jalasa ile le Masa Tɔɔmasenin ne? Tanuli yi min yɛ, wo denkɛ?»
Jinalu tɛɛ bɔla mɔɔ siyama lɔ fana. Ai bɔ waate, ai tɛɛ gbanɔla, ai vɛɛ: «Ala Denkɛ le i le le!» Kɛɛ Isa do tɛɛ ai majamanna ko ai yi jeden. A ma diɲa ai yi kuma, kamasɔlɔn ai tɛɛ k'a lɔn ko ale le Masa Tɔɔmasenin ne.
A ka Isa ye mingɛ, a ka gbanɔ k'i kɛ a sen kɔlɔ. A do ka gbanɔ k'a fɔ, a vɛɛ: «Isa, Masa Taala Denkɛ, mindɛ le ile ni ǹe wotɛ? I jon jaani, i kà ǹ jangata.»
Isa wɔlinin kuma wolu fɔla, a k'a ɲa lajɛlɛ sanma k'a fɔ, a vɛɛ: «Ǹ Fa, waate vɛ se. Magbiliyali di i Denkɛ ma, fɔsa i Denkɛ fana yi magbiliyali di i ma.