Matiyu 13:30 - Ala Ya Salatikan Kula Kitabu

³⁰ Ài y'a bɛ to je, ai yi wuli i ɲɔɔ fɛ haan fɔɔ malo kali waate vɛ sena. Wo waate, ǹ kɛtɔ a fɔla malo kalibalu yɛ, ǹ ko: Ài yi bin yonnu bɔn kunfɔlɔ le k'ai lasili ai ɲɛninko lɔ, kɛɛ ài yi malo ladɛn ǹa kele la.› »

Matiyu 13:30 ပူးပေါင်းရင်းမြစ်များ

Matiyu 13:25

Kɛɛ mɔɔlu tɛɛ sunɔɔ lɔ waate min nɔ, a juu ka na ka bin kolo falin malo tɛma, ka bɔli.

Matiyu 13:29

Kɛɛ a do vɛɛ ai yɛ: ‹Ɛnɛn, ài y'a to ten. Niwotɛ, ài vɛ kɛla bin bɔnna, ài kɛtɔ malo dɔlu fana bɔnna.

Matiyu 25:32

Wo lon, dunuɲamɔɔlu bɛ ladɛntɔ a ɲakɔlɔ. A kɛtɔ ai wotɛbɔla i ɲɔɔ na, iwo kolofenkunnasiiba yi saa ni bani wotɛbɔla teme.

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 3:12

Aa kɔndɛlɛ y'a bolo, a do kɛtɔ aa malogbasiya matɛla, ka malo kɛ kele la, ka ban k'a fofo lafili taa banbali lɔ.»

Luka 3:17

Aa kɔndɛlɛ y'a bolo, a do kɛtɔ aa malogbasiya matɛla, ka malo kɛ aa kele la, ka ban k'a fofo lafili taa banbali lɔ.»

Yohana 15:6

Ni mɔɔ min kafonnin ma to ǹ kan, wo tii kɛyine iwo jili bolo tɛɛnin, min la yi filila, a yi ja. Jili bolo suu wolu la yi dɛnna k'ai ɲɛnin taa la.

1 Kolɛntikalu 4:5

Wo le y'a ma, ài kà ài lateleja ka mɔɔ ya kiti tɛɛ, ni a waate bɛlɛ ma se ba. Ài y'a to ten haan fɔɔ mɔ Tii yi na. Ko ko doonnin divi lɔ, ale le kɛtɔ wolu lankɛnɛmayala ka mɔɔ bɛ kɔnɔlɔkolu labɔ gbɛ la. Wo vɛ kɛla, mɔɔ kelenkelenna bɛ kɛtɔ matanuli sɔlɔnna Ala bolo.

1 Timote 5:24

Mɔɔ dɔlu ya julumbulu lankɛnɛmayayine jani kiti yi tɛɛ. Kɛɛ a dɔlu ta kɛtɔ lɔnna kɔ le fɛ.