Matiyu 13:23 - Ala Ya Salatikan Kula Kitabu

²³ Malo minu na benna duu kein nɔ, wolu le mɔɔlu le minu yi Ala kumakan mɛnna k'a ɲaye. Kumakan wo yi donna ai josokun nɔ ka sawati iwo malo minu y'ai den kɛmɛ (100) kɛla, niwotɛ biwɔɔlɔ (60), niwotɛ bisawa (30).»

Matiyu 13:23 ပူးပေါင်းရင်းမြစ်များ

Matiyu 12:33

«Kɔlɔmanden kein yi bɔla kɔlɔman ya ɲumaya le lɔ. Kɔlɔmanden kɛwon do yi bɔla kɔlɔman ya kɛwonya le lɔ, kamasɔlɔn kɔlɔman yi lɔnna a den ne ma.

Matiyu 13:8

Malo dɔlu fana ka ben duu kein nɔ. Wolu ka sawati kosɛvɛ. A dɔlu k'ai den kɛmɛ (100) kɛ, a dɔlu biwɔɔlɔ (60), a dɔlu bisawa (30).

Matiyu 3:10

Tandainɔ, tɛɛlan lɔ vɛ bɛn kɔlɔman tɛɛko lɔ. Kɔlɔman minu tɛ ai den kein kɛla, wolu bɛ yi tɛɛle k'ai lafili taa la.

Matiyu 3:8

Ài kɛkolu y'a jiya ko ài vɛ ài dajoo mafalin.

Malɛkɛ 10:15

Ǹ'i tuɲa fɔ ài yɛ, ni mɔɔ min m'a bolo sii Ala ya masaya kɔlɔ iwo denni, wo tii tɛnala donna a lɔ tuun.»

Malɛkɛ 4:20

Malo minu na benna duu kein nɔ, wolu le mɔɔlu le minu yi Ala kumakan mɛnna k'ai bolo sii a kɔlɔ. Kumakan wo yi donna ai josokun nɔ ka kɛ iwo malo minu yi sawatila k'ai den bisawa (30) kɛ, niwotɛ biwɔɔlɔ (60), niwotɛ kɛmɛ (100).»

Luka 13:9

Ni a k'a den kɛ numaija, wo yi bɛnne. Niwotɛ, i y'a tɛɛ k'a bɔ je.› »

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Luka 8:8

Malo dɔlu fana ka ben duu kein kan, ka fɛlɛn ka sawati kosɛvɛ k'ai den kɛmɛ (100) kɛ.» Wo fɔ, Isa k'a kan labɔ k'a fɔ ai yɛ, a vɛɛ: «Tolo yi mɔɔ min kun, wo tii y'a tolomalɔ kuma min ma.»

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 8:47

Mɔɔ min yi Ala ta le, wo tii le y'a tolomalɔla Ala kumakan ma. Kɛɛ do, àilu tɛ Ala ta le, wo le y'a kɛla, ài tɛ ài tolomalɔla a la.»

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Kɛkolu 17:11

Je mɔɔlu josolɔgbɛyine tɛɛ ka timin mɔɔlu la minu tɛɛ Tɛsalonika, kamasɔlɔn ai k'ai bolo sii Ala kumakan kɔlɔ sɛmɛdon boloma, ai vɛ kitabulu mafɛlɛnna lon bɛ k'a lɔn ni ko wolu yi tuɲa le le.

2 Kolɛntikalu 9:10

Wo lɔ saa, Ala min yi sɛnɛfensi dila sɛnɛkɛba ma, ka bulu di a ma a balo le, ale le kɛtɔ àiya sɛnɛfensi lawalala, k'ài kɛkolu lasawati minu bɔnin àiya telenmandeya lɔ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 4:17

A tɛ k'a fɔ ko ǹ'i samalifen le ɲininna yi ne, mafɔ ǹ'a fɛ a dɔ le yi la àiya koɲuma sala kɔkan.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

1 Tɛsalonikakalu 4:1

Mɔ badenmalu, ka maa kuma laban, mɔ vɛ ban ài kalanna k'a fɔ ko ài ka kan ka taama teme, fɔsa àiya ko yi diya Ala yɛ. Tuɲa le, ài yi wo le la yi ne. Kɛɛ m'ài madiyala mɔ Tii Isa tɔɔ lɔ k'a magbeleya ko ài y'ài lɔja k'a dɔ la wo kɔkan.

2 Tɛsalonikakalu 2:10

ani ka telenbaliya suu bɛ dɔ kɛ ka halakibatɔlu lafili, minu m'ai bolo sii tuɲa kɔlɔ ka tuɲa ladiyaɲɛ min tɛɛ ai lakisi.

Hebululu 4:2

Tuɲa le, Samakan Kein la ka se mɔ ma, iwo a la ka se Bani Isilankalu ma teme fuwa lɔ. Kɛɛ ai ka samakan min mɛn, wo ma foi ɲia ai ma, kamasɔlɔn ai m'ai bolo sii a kɔlɔ limaniya boloma.

Hebululu 6:7

Ni duu min vɛ ɲiinna sanji bolo siɲa siyama le, sɛnɛfen nafatalu kɛtɔ fɛlɛnna duu wo kɔkan sɛnɛkɛbalu yɛ, kamasɔlɔn Ala vɛ balaka don duu wo lɔ.

Hebululu 8:10

Kɛɛ lon wolu vɛ timinna, ǹe ài Tii vɛɛ ko, ǹ kɛtɔ salatikan min ne tala Bani Isilankalu yɛ: Ǹ kɛtɔ ǹa seliyalu bilala ai hangili lɔ, ani k'ai sɛvɛ ai josokun nɔ. Ǹ kɛtɔ ai Tii Ala le le, ai do kɛtɔ ǹa mɔɔlu le le.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.