Matiyu 13:22 - Ala Ya Salatikan Kula Kitabu

²² Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ do dunuɲakolu hamin ni nafolo ladiyaɲɛ yi donna ai josokun nɔ ka Ala kumakan lɔgbalin, a do tɛ sawatila ai ma.

Matiyu 13:22 ပူးပေါင်းရင်းမြစ်များ

Matiyu 12:32

Ni mɔɔ mɔɔ ka lafeyalikan fɔ Mɔɔnivin Tanin ma, a ma yi sene kotola. Kɛɛ ni mɔɔ mɔɔ ka lafeyalikan fɔ Nii Sɛnɛyanin ma, wo tii ma tɛ koto dunuɲa min nɔ. A do ma tɛ koto habadan.»

Matiyu 13:39

Juu min na bin yon kolo falinna sɛnɛ lɔ, wo le Soitana le. Malo kali waate, wo yi dunuɲa laban ne le. Malo kaliba wolu yi mɛlɛkalu le le.

Matiyu 13:40

Bin yonnu la yi dɛnna k'ai ɲɛnin taa lɔ teme, wo suu le kɛtɔ dunuɲa laban waate lɔ.

Matiyu 13:7

Malo dɔlu ka ben wonilu tɛma, minu ka buɲa ka malo wolu lɔgbalin.

Luka 12:15

Wo fɔ Isa bolo, a k'a fɔ jama yɛ, a vɛɛ: «Ài y'ài jando ài jɛlɛ lɔ ka bɛn natabaya suu bɛ ma, kamasɔlɔn mɔɔ ya niimaya tɛ bɔla aa nafolo wala jate lɔ.»

Luka 12:21

Wo ɲɔɔzii le kɛtɔ wo mɔɔ masɔlɔnna min yi nafolo ladɛnna a jɛlɛ yɛ, a do tɛ nafolotii le Ala ɲakɔlɔ.»

Luka 21:34

«Ài y'ài jando ài jɛlɛ lɔ fɔsa ài joso lɔ kana gbalin noomaya le, ani gbɛtɔya, ani dunuɲalɔtɛɛkolu hamin. Niwotɛ, wo lon kɛtɔ balala ài lɔ,

Luka 8:14

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ ai yi haminna dunuɲalɔtɛɛkolu le le, ani nafolokolu, ani jɛlɛdiyabɔkolu. Wo boloɲa ma, Ala kumakan lɔgbalinyine ai josokun nɔ, k'ai kɛ iwo malo fofo.

Kɛkolu 8:18

Simɔn k'a ye mingɛ ko ai vɛ Nii Sɛnɛyanin sɔlɔn keladennu ya bololankan fɛ, a ka wɔli bɔ ko a a di ai ma.

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

1 Kolɛntikalu 1:20

Hangilimalu yi se mindɛ fɔla butu? Seliya kalanmɔɔlu yi se mindɛ fɔla butu? Bi sɔsɔyalindelu yi se mindɛ fɔla butu? Jalasa Ala m'a lagbɛ ko dunuɲa min hangilimaya yi hangilindanya le le?

1 Kolɛntikalu 2:6

Wo bɛ n'a kɛ, m'i hangilimaya kumalu lasena mɔɔlu ma minu sawatinin limaniya lɔ. Kɛɛ do, hangilimaya wo suu tɛ dunuɲa ta le, niwotɛ dunuɲa kuntiilu ta, minu yi tunun boloma yi ne.

1 Kolɛntikalu 2:8

Dunuɲa kuntii suu suu tɛɛ ma hangilimaya wo ɲaye. Niwotɛ, ai tɛɛ tɛnala mɔ Tii nɔɔlɔnin gbaanna kɔlɔman ma.

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.