Matiyu 13:11 - Ala Ya Salatikan Kula Kitabu

¹¹ Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Matiyu 13:11 ပူးပေါင်းရင်းမြစ်များ

Matiyu 13:10

Wo kɔ, Isa kɔbiladennu k'i madon a la k'a maɲininga, ai vɛɛ: «Mindɛ lɔ i yi kumala mɔɔlu fɛ sanalu lɔ?»

Matiyu 16:17

Isa do vɛɛ a yɛ: «Yunusa denkɛ Simɔn, i yi duwawuden ne le, kamasɔlɔn i na min fɔla, mɔɔ ma wo lankɛnɛmaya i yɛ, mafɔ ǹ Fa min yi haijɛnɛ.

Matiyu 19:11

Isa k'ai javi, a vɛɛ: «Mɔɔ bɛ tɛ se diɲala kuma wo ma, mafɔ Ala na a see dila minu ma.

Matiyu 20:23

Isa do vɛɛ ai yɛ: «Tuɲa le, ài lamintɔ ǹa jiyafɛ wo lɔ, kɛɛ siiya minu yi m̀ bolokini ni m̀ bolonunma fannɔ, wolu diba tɛ ǹe le. Ǹ Fa na siiya wolu lɔbɛnna mɔɔ minu yɛ, a kɛtɔ ai dila wolu le ma.»

Malɛkɛ 10:40

Kɛɛ siiya minu yi m̀ bolokini ni m̀ bolonunma fannɔ, wolu diba tɛ ǹe le. Ala na siiya wolu lɔbɛnna mɔɔ minu yɛ, a kɛtɔ ai dila wolu le ma.»

Malɛkɛ 4:11

A do vɛɛ ai yɛ: «Ala vɛ aa masaya gbonokolu lɔnni di ài ma, kɛɛ ko bɛ yi fɔla dɔlu yɛ sana le lɔ.

Luka 8:10

Wo lɔ, Isa vɛɛ ai yɛ: «Ala ya masaya gbonolu lɔnni vɛ di ài ma, kɛɛ ko bɛ yi fɔla dɔlu yɛ sana le lɔ. Wo le n'a kɛla, ‹Ai y'ai ɲa kaana, kɛɛ ai tɛ foi yena. Ai y'ai tolomalɔla, kɛɛ ai tɛ foi ɲayena.› »

Yohana 6:65

Isa k'a fɔ kɔtunun, a vɛɛ: «Wo le n'a kɛla, ǹ n'a fɔla ài yɛ, ǹ ko, mɔɔ suu suu tɛ se nala m̀ ma, ni ǹ Fa ma wo see di a ma.»

Yohana 7:17

Ni mɔɔ min y'a fɛ ka Ala sawo kɛ, wo tii kɛtɔ a lɔnna ni ǹa kalan bɔnin Ala le lɔ, niwotɛ ni ǹ'i kumala ǹ jɛlɛkanu ya seetiiya le lɔ.

Kɛkolu 16:14

Mɔɔ minu tolomalɔnin tɛɛ mɔ la, ai lɔ mɔɔ kelen tɔɔ le tɛɛ ko Lidiya ka bɔ Tiyatila. Alabatoba le tɛɛ a le, min tɛɛ faani daagbɛlɛnnu felela. Mɔ Tii k'a josokun laka k'a ladiɲa Pɔli kumakannu ma.

Lɔmukalu 11:25

M̀ badenmalu, jani ài y'ài jɛlɛ jate hangilima le, ǹ'a fɛ ài yi kɛ gbonoko min kalama: Bani Isilankalu fan kelen kunnɔ vɛ gbeleya, haan fɔɔ siboloma gbɛlɛ mɔɔlu jate dafanin yi don Ala ya masaya lɔ.

Lɔmukalu 16:25

Tanuli yi Ala yɛ, a see yi min yɛ k'ài lasawati limaniya lɔ iwo ǹ na kawanili kɛla teme ǹa Samakan Kein nɔ ka bɛn Masa Tɔɔmasenin Isa ma. Ala ya gbonoko le wo le, a na min doonna waate timinninu kɔlɔ,

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Kolɛntikalu 15:51

Ài y'ài tolomalɔ gbonoko min na: Mɔ bɛ tɛnala sala, kɛɛ mɔ bɛ mafalintɔle

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Kolɛntikalu 4:1

Wo le y'a ma, fɔ ài yi mɔ jate Masa Tɔɔmasenin ya bɔidennu le, Ala ya gbonokolu kalifanin minu la.

1 Kolɛntikalu 4:7

Kamasɔlɔn jene n'ài lafisala dɔlu le? Fen mindɛ le ài bolo, ni a dinin tɛ ài ma? Ni a diyine ài ma, mindɛ lɔ ài y'ài wasola k'a kɛ iwo a dinin tɛ ài ma?

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 1:9

ka mɔ lalɔnni aa kojatesii doonnin na, a tɛɛ vɛ min latɛɛ ka bɛn Masa Tɔɔmasenin ma kɔlɔkɔlɔ le.

Ɛfɛsikalu 5:32

Gbonoko ba le min ne, kɛɛ ǹ'i kumala ka bɛn Masa Tɔɔmasenin ni aa limaniyajama le ma.

Ɛfɛsikalu 6:19

Ài yi Ala dali ǹe fana yɛ, fɔsa m̀'ɛ m̀ wulila kuma kɛko lɔ, Ala yi kuma don ǹ da fɔsa ǹ'i Samakan Kein gbonoko lase josolagbeleya boloma,

Kɔlɔsikalu 2:2

Ǹ'i wo sɛɛ le la fɔsa ai sɛmɛ yi don, ani ai yi bɛn a lɔ kanundeya boloma, ka lɔnni dafanin sɔlɔn hangilimaya boloma fɔsa ai yi Ala ya gbonoko lɔn, min taanin kɛla Masa Tɔɔmasenin gbu le,

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 3:9

Gbono ko min lankɛnɛmayanin ka bɛn limaniya ma, ai y'ai bolo kɛ wo la ai joso sɛnɛyanin ne.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

1 Yohana 2:20

Kɛɛ àilu koni vɛ Nii Sɛnɛyanin sɔlɔn, Ala ya Mɔɔ Sɛnɛyanin na min lajiila ài kɔkan, wo ma, ài bɛ ka tuɲa lɔn.

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.