Matiyu 12:34 - Ala Ya Salatikan Kula Kitabu

³⁴ Àilu fɔnfɔnnidennu! Ài dajoo man ɲin. Ài yi se kuma kein fɔla di wo lɔ? Mɔɔ josokun lafanin ko min na, a da yi wo le fɔla.

Matiyu 12:34 ပူးပေါင်းရင်းမြစ်များ

Matiyu 12:35

Mɔɔ kein yi kokein ne kɛla, kamasɔlɔn wo yi bɔla a josokun kein ne lɔ. Kɛɛ do, mɔɔ yon yi koyon ne kɛla, kamasɔlɔn wo yi bɔla a josokun yon ne lɔ.

Matiyu 15:18

Kɛɛ do, kuma minu yi bɔla mɔɔ da, wolu yi bɔla mɔɔ josokun ne lɔ, ado wolu le yi mɔɔ lakɔsɔla.

Matiyu 23:33

Àilu sa kɛwonnu! Àilu fɔnfɔnnidennu! Jahanama kolatɔn polotɔle ài ma di wo lɔ?

Matiyu 3:7

Yaya ka Falisi ni Sadusi siyama ye nala mingɛ a fɛlɔ ai makoko lɔ, a k'a fɔ ai yɛ, a vɛɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Luka 3:7

Mɔɔ siyama tɛɛ nala Yaya fɛlɔ fɔsa a tɛɛ ai mako kɔɔ kɔlɔ. A do vɛɛ ai yɛ: «Àilu fɔnfɔnnidennu! Jene n'ài lalila ko ài yi bɔli ka bɔ Ala ya mɔnɛya natɔ kɔlɔ?

Luka 6:45

Mɔɔ kein yi kokein ne kɛla, kamasɔlɔn wo yi bɔla a josokun kein ne lɔ. Kɛɛ do, mɔɔ yon yi koyon ne kɛla, kamasɔlɔn wo yi bɔla a josokun yon ne lɔ. Kamasɔlɔn mɔɔ josokun lafanin ko min na, a da yi wo le fɔla.»

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.

Ɛfɛsikalu 5:4

Ài do kà malobaliya kumalu fɔ, ani kundanya kumalu, ani jɛlɛmako kɔsɔninnu, wolu foi bɛnnin tɛ. Kɛɛ min bɛnnin, wo le ka to balika bɔla Ala yɛ.

Janguba 3:2

Mɔ bɛ le la yi filila ko siyama lɔ. Ni mɔɔ min tɛ filila a dalakan nɔ feu, wo tii yi mɔɔ dafanin ne le, min yi se a jɛlɛkanu falikolo makolola ko bɛ lɔ.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.