Matiyu 12:32 - Ala Ya Salatikan Kula Kitabu

³² Ni mɔɔ mɔɔ ka lafeyalikan fɔ Mɔɔnivin Tanin ma, a ma yi sene kotola. Kɛɛ ni mɔɔ mɔɔ ka lafeyalikan fɔ Nii Sɛnɛyanin ma, wo tii ma tɛ koto dunuɲa min nɔ. A do ma tɛ koto habadan.»

Matiyu 12:32 ပူးပေါင်းရင်းမြစ်များ

Matiyu 11:19

Mɔɔnivin Tanin fana vɛ na. A yi dɔnni kɛla k'i min. Wo le y'a kɛla, ai y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le. Wo bɛ n'a kɛ, mɔɔ min yi taamana Ala ya hangilimaya lɔ, wo tii kɛkolu kɛtɔ a jiyala ko a yi siya bɛlɛ le kɔkan.»

Matiyu 12:31

Wo le y'a ma, ǹ'a fɔla ài yɛ, mɔɔlu yi julumbu minu bɛ tala, ani ai yi lafeyalikan suu suu fɔla, wo bɛ lɔ yi sene kotola. Kɛɛ mɔɔ mɔɔ vɛ lafeyalikan fɔla Nii Sɛnɛyanin ma, wo tii ma tɛ koto tuun.

Matiyu 12:8

Kamasɔlɔn Mɔɔnivin Tanin le Kuntii le Nɔningɛlon kunna.»

Matiyu 13:22

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ do dunuɲakolu hamin ni nafolo ladiyaɲɛ yi donna ai josokun nɔ ka Ala kumakan lɔgbalin, a do tɛ sawatila ai ma.

Matiyu 13:39

Juu min na bin yon kolo falinna sɛnɛ lɔ, wo le Soitana le. Malo kali waate, wo yi dunuɲa laban ne le. Malo kaliba wolu yi mɛlɛkalu le le.

Matiyu 13:40

Bin yonnu la yi dɛnna k'ai ɲɛnin taa lɔ teme, wo suu le kɛtɔ dunuɲa laban waate lɔ.

Matiyu 13:55

Jilisaba den ne tɛ ve? A ba le tɛ Mɔyamu le? A dɔɔkɛ le tɛ Janguba ni Jusufu ni Simɔn ni Jude le?

Matiyu 8:20

Isa do vɛɛ a yɛ: «Diɲa yi jɛɛkani bolo, ɲaa yi kɔnɔni bolo, kɛɛ dingila tɛ Mɔɔnivin Tanin bolo, a a nɔningɛ tɛɛminja.»

Malɛkɛ 10:30

wo tii kɛtɔ wolu ɲɔɔzii kɛmɛ (100) le sɔlɔnna dunuɲa min nɔ. A kɛtɔ bonnu sɔlɔnna, ani badenmalu, ani wolobalu, ani dennu, ani sɛnɛlu, ani jangatalu fana. Dunuɲa natɔ lɔ, a kɛtɔ niimaya banbali sɔlɔnna.

Malɛkɛ 3:28

«Ǹ'i tuɲa fɔ ài yɛ, mɔɔlu yi julumbu min bɛ tala, ani ai yi lafeyalikan suu suu fɔla, wo bɛ lɔ yi sene kotola.

Malɛkɛ 3:29

Kɛɛ mɔɔ mɔɔ vɛ lafeyalikan fɔla Nii Sɛnɛyanin ma, wo tii ma tɛ koto dunuɲa min nɔ. Julumbu wo totɔle wo tii ma kudein.»

Luka 12:10

Ni mɔɔ mɔɔ si ka lafeyalikan fɔ Mɔɔnivin Tanin ma, wo tii ma yi sene kotola. Kɛɛ ni mɔɔ min vɛ lafeyalikan fɔla Nii Sɛnɛyanin ma, wo tii ma tɛ koto tuun!

Luka 16:8

«A kuntii ka ko wo mɛn mingɛ, a ka nafolo kunnasiiba telenbali wo matanu ka bɛn aa jateeya ma. Kamasɔlɔn dunuɲa min mɔɔlu i ɲɔɔ minala jateeya bolo le ma ka timin Ala ya mɔɔlu la, minu yi kɛnɛya lɔ.

Luka 18:30

wo tii kɛtɔ fen wo ɲɔɔzii siyama le sɔlɔnna ka timin wo bɛ la dunuɲa min nɔ, ani ka niimaya banbali sɔlɔn dunuɲa natɔ lɔ.»

Luka 23:34

Isa do vɛɛ: «Ǹ Fa, i y'ai makoto, kamasɔlɔn ai m'a lɔn ai yi min kɛla.» Wo kɔ, sɔdasilu ka kalabila kɛ ka bɛn aa faanilu lɔtalako ma i ɲɔɔ wotɛ.

Luka 7:34

Mɔɔnivin Tanin fana vɛ na. Ale do yi dɔnni kɛla k'i min. Wo le y'a kɛla, ài y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le.

Yohana 7:12

Mɔɔ siyama tɛɛ i ɲɔɔ sɔsɔla kan majii lɔ ka bɛn Isa ma. A dɔlu vɛɛ: «Mɔɔ bɛlɛ le a le.» A dɔgbɛlɛlu vɛɛ: «Wo tɛ, mɔɔlafiliba le.»

Yohana 7:39

Isa kan tɛɛ Nii Sɛnɛyanin ne ma, min ditɔ a malimaniyamɔɔlu ma. Wo waate lɔ, Nii Sɛnɛyanin tɛɛ ma di ba bene, kamasɔlɔn Isa tɛɛ ma magbiliyali sɔlɔn ba bene.

Yohana 7:52

Ai k'a javi, ai vɛɛ: «Ile fana yi Galileka le le? Ni i ka kitabulu kalan kobɛn, i kɛtɔ a yena ko kela foi tɛnala bɔla Galile.»

Kɛkolu 3:19

Wo lɔ saa, ài y'ài dajoo mafalin, k'ài fannɔsei Ala ma, fɔsa àiya julumbulu yi bɔ ài ma.

Ɛfɛsikalu 1:21

A ka a lasii fangatii yenbalilu ni kuntiilu ni seetiilu ni masalu bɛ kunna poon. A do tɔɔ buɲanin vɛ tɔɔ bɛ le minu yi fɔla dunuɲa jan ani kiyama.

1 Timote 1:13

Waate lɔ, ǹ tɛɛ a jɛvɛla ka aa mɔɔlu jangata kafaya boloma. Kɛɛ wo bɛ n'a kɛ, a na henandeya jiyala ǹ na, kamasɔlɔn ǹ tɛɛ ko suu wolu kɛla kolɔnbaliya ni limaniyabaliya le lɔ.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.