Matiyu 12:28 - Ala Ya Salatikan Kula Kitabu

²⁸ Kɛɛ ni a ka talan ǹ'i jinalu gbɛnna mɔɔlu lɔ Ala Nii Sɛnɛyanin ya seetiiya le lɔ, wo vɛ kɛla, Ala ya masaya vɛ ban sena ài tɛma.

Matiyu 12:28 ပူးပေါင်းရင်းမြစ်များ

Matiyu 12:18

«Ǹa bɔiden ne ne, ǹ na min tala mɔɔlu tɛma. A do yi ǹ diyananmɔɔ le, min yi ǹ kɔnɔlɔdiyala bubale. Ǹ kɛtɔ ǹ Nii Sɛnɛyanin lajiila a kɔkan, a do kɛtɔ Ala ya telenmandeyako lasena siboloma gbɛlɛlu ma.

Matiyu 12:29

«Mɔɔ tɛ se donna kɛ́ fangama ya bon na k'a bolofennu suɲa, ni a ma wo tii mina kunfɔlɔ le k'a sili, kɛlɛ? Wo vɛ kɛla, a yi sene wo tii ya bon latɛla tɛtɛ.

Matiyu 21:31

Denkɛ fila wolu lɔ, jene na a fa sawo kɛla?» Ai ka Isa javi, ai vɛɛ: «Denkɛ kunfɔlɔ.» Wo lɔ, Isa vɛɛ ai yɛ: «Ǹ'i tuɲa fɔ ài yɛ, niisɔɔnminabalu ni sungulunbalu dontɔle àilu ɲa Ala ya masaya lɔ.

Matiyu 21:43

«Wo lɔ saa, ǹ'a fɔ ài yɛ, Ala kɛtɔ ài fɛ bɔla aa masaya la, k'a di mɔɔ gbɛlɛlu ma minu kɛtɔ a lasawatila.

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Matiyu 6:33

Ài yi Ala ya masaya ɲinin kunfɔlɔ le ani aa telenmandeya, wo vɛ kɛla, wo bɛ yi lale wo kɔkan ka di ài ma.

Malɛkɛ 1:15

A do vɛɛ: «A waate bɛlɛ vɛ se. Ala ya masaya waate ma vɛ sulunya. Wo lɔ saa, ài y'ài dajoo mafalin ka limaniya Samakan Kein ma.»

Malɛkɛ 11:10

Duwawu yi mɔ bema Dawuda ya masaya yɛ min lankɛnɛmayatɔ! Tanuli yi kɛ haijɛnɛ dingila kɔlɔtanin nɔ!»

Malɛkɛ 16:17

Limaniyamɔɔlu kɛtɔ tɔɔmase minu jiyala, wolu le ne: Ai kɛtɔ jinalu gbɛnna mɔɔlu lɔ ǹ tɔɔ lɔ, ani ka kuma kan gbɛlɛlu lɔ, ai tɛɛ ma minu lɔn kɔlɔkɔlɔ le.

Luka 10:11

‹Hali àiya so gbangban min gbu yi mɔ sen ma, m'i wo matɛla ka wo kɛ ài ban tɔɔmase le. Kɛɛ fɔ ài y'a lɔn ko Ala ya masaya waate ma vɛ sulunya.›

Luka 11:20

Kɛɛ ni a ka talan ǹ'i jinalu gbɛnna mɔɔlu lɔ Ala ya seetiiya le lɔ, wo vɛ kɛla, Ala ya masaya vɛ ban sena ài tɛma.

Luka 16:16

«Nabi Musa ya Taulati ni kela dɔgbɛlɛlu ya kitabulu ka na kunfɔlɔ le, jani Makolikɛba Yaya tɛɛ na. Ka ta wo waate ma, Ala ya masaya ko Samakan Kein la yi sena, ado bɛ y'i lɔjala kosɛvɛ ka don a lɔ.

Luka 9:2

A do k'ai kelaya ko ai yi taa Ala ya masaya ko lase, ani ka mɔɔlu lakɛnɛya.

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Kɔlɔsikalu 1:13

Ale le na mɔ lakisila ka mɔ bɔ divi ya seetiiya kɔlɔ ka mɔ ladon a diyanan Denkɛ ya masaya lɔ,

Hebululu 12:28

Komi m'i masaya sɔlɔn bolo le ma min la tɛ se jaajaala, wo lɔ saa, ài m'i balika bɔ Ala yɛ k'a ladiyanan batoli kɛ buɲali ni siyan boloma.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.