Matiyu 11:21 - Ala Ya Salatikan Kula Kitabu

²¹ «Kolazinkalu, gbalo yi ài yɛ! Betisaidakalu, gbalo yi àilu fana yɛ! Kamasɔlɔn kawananko minu kɛnin ài fɛlɔ, ni wolu tɛɛ ka kɛ Tili ni Sidɔn solu kɔnɔ, je mɔɔlu tɛɛ ai dajoo mafalinne jona. Ai tɛɛ ai siile buuli lɔ ka sayakasifaanilu bila ai kanna, ka wo kɛ ai dajoo mafalin tɔɔmase le.

Matiyu 11:21 ပူးပေါင်းရင်းမြစ်များ

Matiyu 11:22

Wo le y'a ma, ǹ'a fɔla ài yɛ, kititɛɛlon, Tilika ni Sidɔnkalu ya kiti kɛtɔ nɔyala ka timin ài ta la.

Matiyu 15:21

Wo kɔ, Isa ka bɔ je ka taa Tili ni Sidɔn solu laminin nɔ.

Matiyu 18:7

Gbalo yi dunuɲamɔɔlu yɛ ka bɛn lafilikolu ma! Fɔ ko wolu yi na, kɛɛ gbalo yi mɔɔ wo yɛ min vɛ kɛla ko wolu sabu le!

Matiyu 26:24

Ado Mɔɔnivin Tanin faatɔle iwo a sɛvɛnin kitabu kɔnɔ teme ka bɛn a ma. Kɛɛ mɔɔ min kɛtɔ a janvala, gbalo yi wo tii ma yɛ. Hali ni wo tii tɛɛ ma sɔlɔn, wo tɛɛ bɛnne a ma feu.»

Malɛkɛ 3:8

ani Jelusalɛmu so kɔnɔ, ani Idume duu kɔnɔ, ani Julidɛn kɔɔkɔma solu la, ani Tili ni Sidɔn solu fannɔ. Jama ba wo ka na a ma, kamasɔlɔn ai k'a kɛkolu mɛn.

Malɛkɛ 6:45

Telemanin, Isa k'a kɔbiladennu lɔ ko ai yi don kulun kɔnɔ ka taa a ɲa Betisaida so la kɔɔ kɔma, a vɛ jama labilala.

Malɛkɛ 7:24

Wo kɔ, Isa ka bɔ je ka taa Tili so laminin nɔ. A do ka don bon dɔ la. A tɛɛ tɛ a fɛ mɔɔ y'a lɔn ni a yi je. Wo bɛ n'a kɛ, a ma to doon nɔ.

Malɛkɛ 7:31

Isa ka bɔ Tili so laminin nɔ ka Sidɔn so lɔtimin ka se Galile kɔɔ fan dɔ lɔ, min yi So Tan laminin nɔ.

Malɛkɛ 8:22

Wo kɔ, Isa nu ka se Betisaida so kɔnɔ. Mɔɔ dɔlu ka na ɲagbɛ kɛ́ dɔ le Isa fɛ, k'a madiya ko a a bolo la a kɔkan k'a lakɛnɛya.

Luka 4:26

Kɛɛ Nabi Iliya la ma taa ai foi madɛmɛnko lɔ, mafɔ kɛsamoso dɔ min siinin tɛɛ Zalɛfata so kɔnɔ, Sidɔn duu kɔnɔ.

Luka 6:17

Wo kɔ, Isa nu k'i jii tini la k'i lɔ gbɛkɛnɛ dɔ lɔ. A kɔbiladen siyama tɛɛ je ani jama ba minu bɔnin tɛɛ Jelusalɛmu, Jude koovi lɔ, ani Tili ni Sidɔn fannɔ kɔɔji dala.

Luka 9:10

Isa ya keladennu seikɔnin, ai k'ai kɛkolu bɛ dandɛɛli kɛ a yɛ. Wo kɔ, Isa ka taa ai le ai ta fan so dɔ la, ai y'a fɔla min ma ko Betisaida.

Yohana 1:44

Filipe bɔnin tɛɛ Betisaida so le la, Andele ni Piyɛli ya so.

Yohana 12:21

Wolu k'i madon Filipe la, ale min bɔnin tɛɛ Betisaida so kɔnɔ Galile koovi lɔ. Ai do vɛɛ a yɛ: «Kuntii, m'a fɛ ka Isa ye.»

Kɛkolu 12:20

Wo k'a talan, Helodi mɔnɛnin tɛɛ bubale Tili ni Sidɔnkalu kanma. A lɔɔ tɛɛ ai la k'a josolajii, kamasɔlɔn ai balo tɛɛ bɔla Helodi ya jamana le lɔ. Wo lɔ, ai k'i kun bilin i ɲɔɔ ma ka mɔɔ dɔlu lɔ Helodi majo dila. Mɔɔ wolu ka kuma masakɛ ya bonkunnasiiba Bilasitusi fɛ haan fɔɔ a ka diɲa k'ai madɛmɛn. Wo kɔ, ai ka taa masakɛ fɛlɔ k'a madiya ko ai yi bɛn a lɔ.

Kɛkolu 27:3

Wo dusagbɛlon, mɔ ka se Sidɔn so kɔnɔ. Mɔ lɔnin ka to je, Juliyusi ka kokein kɛ Pɔli yɛ ka diɲa a yi taa bɔ a tɔvalu ma, fɔsa ai y'a madɛmɛn.

Jude 1:11

Gbalo y'ai yɛ! Kamasɔlɔn ai vɛ Kabila ya siya ta, ani k'ai fɛ bila Balaamu ya filibandeyako ɲɔɔzii la ka bɛn wɔliko nata ma. Ai vɛ mulutu iwo Kole ka kɛ teme, ai do yi halakile iwo wo fana.

Ko Lankɛnɛmayanin 11:3

Ǹ kɛtɔ see dila ǹa sele fila ma kelayakɛko lɔ tele waa kelen tele kɛmɛ fila ni biwɔɔlɔ (1 260) kɔlɔ, sayakasifaani vɛ ai kanna.»

Ko Lankɛnɛmayanin 6:12

Ǹ ka Saa Bolan ye tɔɔmase wɔɔlɔna bɔla a ma, ado duukolo ka jaajaa bakɛ. Tele ɲala ka fin iwo sayakasifaani finnin teme mainmain, ani kalo ɲala ka wulɛn iwo jeli kɛnin teme.