Matiyu 10:3 - Ala Ya Salatikan Kula Kitabu

³ ani Filipe ni Batolomu, ani Tomasi ni Matiyu min tɛɛ niisɔɔnminaba le, ani Alife denkɛ Janguba, ani Tade,

Matiyu 10:3 ပူးပေါင်းရင်းမြစ်များ

Matiyu 18:17

Ni do a k'i ban a tolomalɔla ai la, i yi wo lase limaniyajama ma. Ni do a k'i ban a tolomalɔla limaniyajama la kɔtunun, i y'a jate iwo Alalɔnbali, niwotɛ niisɔɔnminaba.

Matiyu 27:56

Magidalaka Mɔyamu tɛɛ moso wolu lɔ, ani Janguba ni Jusufu ba Mɔyamu, ani Janguba ni Yohana ba, min tɛɛ Zebede moso le.

Matiyu 9:9

Isa ka bɔ je ka taa. A timintɔla, a ka niisɔɔnminaba dɔ siinin ye niisɔɔnminaya lɔ, min tɔɔ tɛɛ ko Matiyu. Isa do vɛɛ a yɛ: «Bila ǹ kɔ.» Matiyu do k'i wuli ka bila a kɔ.

Malɛkɛ 15:40

Moso dɔlu tɛɛ je fana, minu ka to poon kolasaala. Mɔyamu Magidalaka tɛɛ ai lɔ, ani a tɔɔma min tɛɛ Janguba dɔɔmaninda ni Jose ba le, ani Salome.

Malɛkɛ 2:14

A timintɔla, a ka Alife denkɛ Levi siinin ye niisɔɔnminaya lɔ. Isa do vɛɛ a yɛ: «Bila ǹ kɔ.» A do k'i wuli ka bila a kɔ.

Malɛkɛ 3:18

Andele, Filipe, Batolomu, Matiyu, Tomasi, Alife denkɛ Janguba, Tade, Fasokanuba Simɔn,

Luka 18:10

«A ka kɛ kɛ́ fila le le minu ka taa Aladaliya lɔ lɔhɔlɔmabonba la. Kelen tɛɛ Falisi le le, a tɔ kelen tɛɛ niisɔɔnminaba le le.

Luka 18:11

Falisi kɛ́ k'i lɔ a ta fan, a vɛ Ala madalila, a vɛɛ: ‹Ala, ǹ'i balika bɔla i yɛ kamasɔlɔn ǹe tɛ iwo mɔɔ dɔlu, minu yi gbanayakolu kɛla ani ka telenbaliyakolu kɛ, ani ka jalonya kɛ, ǹe do kɛnin tɛ iwo niisɔɔnminaba min ve.

Luka 18:13

Kɛɛ niisɔɔnminaba ka to poon. A do ma diɲa ka hali a ɲa lajɛlɛ sanma, fɔ ka kɛ a sisi magbasile josomakasi boloma, a vɛɛ: ‹Ala, hena ǹ na, ǹe min yi julumbutɔ le.› »

Luka 19:2

Kɛ́ dɔ tɛɛ je, min tɔɔ tɛɛ ko Zakiya. Niisɔɔnminabalu ya kuntii le tɛɛ a le, ani nafolotii.

Luka 5:27

Wo kɔ, Isa bɔtɔla je, a ka niisɔɔnminaba dɔ siinin ye niisɔɔnminaya lɔ, min tɔɔ tɛɛ ko Levi. Isa vɛɛ a yɛ: «Na, i yi bila ǹ kɔ.»

Yohana 1:48

Wo lɔ, Nataniyɛli k'a maɲininga, a vɛɛ: «I na ǹ lɔnna di?» Isa k'a javi, a vɛɛ: «Ǹ na i siinin yena toloju kɔlɔ jani Filipe tɛɛ i kili.»

Yohana 11:16

A kɔbiladen min tɔɔ tɛɛ ko Tomasi, ai y'a fɔla min ma ko Mɔɔfila, wo vɛɛ a kɔbilaɲɔɔlu yɛ: «Ài m'i taa kalanmɔɔ malɔ, fɔsa m'i sa a fɛ.»

Yohana 14:22

A kɔbiladen dɔ tɛɛ je, min tɔɔ tɛɛ ko Judasi (min ni Judasi Isekaliyɔti tɛ kelen ne). Wo do vɛɛ a yɛ: «Ǹ Kuntii, i kɛtɔ i jɛlɛ jiyala mɔ la di, ni i m'i jɛlɛ jiya dunuɲa la?»

Yohana 14:5

Tomasi do vɛɛ a yɛ: «Ǹ Kuntii, mɔ m'i taaya lɔn. M'i se siya wo lɔnna di?»

Yohana 14:9

Isa do vɛɛ a yɛ: «Filipe, bima m̀ bila ài fɛ. I ma ǹ lɔn ba bene? Mɔɔ min vɛ ǹ yena, wo tii vɛ ǹ Fa ye. I yi se a fɔla di wo lɔ, ko: ‹I i Fa jiya mɔ la›?

Yohana 21:2

A kɔbiladen dɔlu ladɛnnin tɛɛ dingila kelen nɔ. Ado minu tɛɛ je, wolu le ne: Simɔn Piyɛli, Tomasi (ai y'a fɔla min ma ko Mɔɔfila), Nataniyɛli min tɛɛ bɔla Kana so kɔnɔ Galile koovi lɔ, Zebede denkɛ fila, ani kɔbiladen mɔɔ fila gbɛlɛ.

Kɛkolu 1:13

Ai donnin so kɔnɔ, ai ka taa sangaso sanmabon na, ai jiyanin tɛɛ tɛɛminja. Ai tɔɔlu le ne: Piyɛli, Yohana, Janguba, Andele, Filipe, Tomasi, Batolomu, Matiyu, Alife denkɛ Janguba, Fasokanuba Simɔn, ani Janguba denkɛ Judasi.

Kɛkolu 12:17

Kɛɛ Piyɛli k'a bolo jate ai yɛ fɔsa ai yi jeden, ka ban k'a ɲafɔ ai yɛ mɔ Tii na a labɔla kaso la teme. A do vɛɛ: «Ài yi wo bɛ lase Janguba ni mɔ badenma tɔlu ma.» Wo kɔ, a ka bɔ je ka taa dingila gbɛlɛ lɔ.

Kɛkolu 15:13

Pɔli ni Baanabasi wɔlinin kumala, Janguba ka kuma ta, a vɛɛ: «M̀ badenmalu, ài y'ài tolomalɔ ǹ na.

Kɛkolu 21:18

Wo kɛnɛbɔlon, ǹu ni Pɔli ka taa bɔ Janguba ma, ado ɲamɔɔlu bɛ ladɛnnin tɛɛ je.

Galatiyakalu 1:19

Kɛɛ m̀ ma ǹ ɲa la keladen dɔgbɛlɛ kɔkan, mafɔ mɔ Tii Isa dɔɔni Janguba.

Galatiyakalu 2:9

Janguba ni Piyɛli ni Yohana, ai tɛɛ minu yena ɲamɔɔ balu le koni, wolu k'a ɲaye ko Ala le na ǹ kilila keladenya kanma aa nɛɛma lɔ. Wo le k'a kɛ, ai k'ai bolo la ǹe ni Baanabasi tɛɛ la, k'a jiya ko mɔ bɛ yi baalekɛɲɔɔma le le. Mɔ do ka bɛn a ma ko m'i taa siboloma gbɛlɛlu fɛlɔ, ailu yi taa Jahudiyalu fɛlɔ.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.