Matiyu 10:15 - Ala Ya Salatikan Kula Kitabu

¹⁵ Ǹ'i tuɲa fɔ ài yɛ, kititɛɛlon, Sɔdɔmu ni Gɔmɔli so yonnu ya kiti kɛtɔ nɔyala ka timin so wo mɔɔlu ta la.»

Matiyu 10:15 ပူးပေါင်းရင်းမြစ်များ

Matiyu 12:36

«Kɛɛ ǹ'a fɔ ài yɛ, mɔɔlu yi kuma kolon suu suu fɔla, ai kɛtɔ wo bɛ dandɛɛli kɛla kititɛɛlon.

Matiyu 5:18

Ǹ'i tuɲa fɔ ài yɛ, haan ka taa sii sangbolo ni duukolo latunun lon na, foi tɛnala tununna seliya kitabu la, hali a tɔmini kelen niwotɛ a sɛvɛliden kelen, haan fɔɔ seliya bɛ ma vɛ fala.

Matiyu 7:22

Kititɛɛlon, mɔɔ siyama kɛtɔ a fɔla ǹ yɛ, ko: ‹Kuntii, Kuntii, ǹu ma kelaya kɛ i tɔɔ le lɔ? Ǹu ma jinalu gbɛn k'ai bɔ mɔɔlu lɔ i tɔɔ le lɔ, ani ka kawananko siyama kɛ?›

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Yohana 12:48

Ni mɔɔ min k'i ban ǹ nɔ, a do m'a bolo sii ǹ kumakan kɔlɔ, ko yi je min kɛtɔ a kitila, wo le ǹ kumakan ne, ǹ na min fɔla. Wo gbugbu le kɛtɔ a kitila dunuɲa laban lon.

Yohana 6:39

Ǹ kelaba sawo le min ne, ko a na mɔɔ minu dila m̀ ma, wo suu suu kà tunun m̀ ma, mafɔ ǹ'ai bɛ lawuli ka bɔ saya lɔ dunuɲa laban lon.

Yohana 6:40

Kamasɔlɔn ǹ Fa sawo le min ne, ko mɔɔ minu bɛ ɲa lɔnin a Denkɛ lɔ ka limaniya a ma, wolu bɛ yi niimaya banbali sɔlɔn, ǹe do kɛtɔ ai lawulila ka bɔ saya lɔ dunuɲa laban lon.»

Kɛkolu 17:31

Kamasɔlɔn lon dɔ latɛɛnin a bolo, a kɛtɔ dunuɲamɔɔlu bɛ ya kiti tɛɛla lon min na telenmandeya boloma aa kɛ́ tanin sabu la. A do na wo lagbɛla bɛ yɛ ka bɛn a lawuliko ma ka bɔ saya lɔ.»

1 Kolɛntikalu 3:13

mɔɔ kelenkelenna bɛ bolonɔ kɛtɔ bɔla gbɛ la. A jiyatɔle kititɛɛlon, kamasɔlɔn kolu lankɛnɛmayatɔle taa bolo, ado taa kɛtɔ mɔɔ kelenkelenna bɛ bolonɔ lɔsumana.

1 Tɛsalonikakalu 5:4

Kɛɛ m̀ badenmalu, ài tɛ divi lɔ k'a fɔ ko wo lon kɛtɔ balala ài lɔ iwo son.

Hebululu 10:25

Mɔ k'i nɔningɛ maa ladɛnko ma, iwo dɔlu deinin a kɛla teme, mafɔ k'i ɲɔɔ sɛmɛdon, k'a dɔ la wo kɔkan iwo ài yi mɔ Tii nalon masulunyatɔla yena teme.

2 Piyɛli 2:6

A do ka Sɔdɔmu ni Gɔmɔli solu latɔn k'ai halaki taa le tɛtɛ, ka wo kɛ misali le k'a jiya ko min natɔ Alaɲasiyanɲɛbalilu masɔlɔnna.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

1 Yohana 4:17

Kanundeya dafanin mɔ tɛma boloɲa wo le ma, fɔsa lanaya yi kɛ mɔ josokun nɔ kititɛɛlon, kamasɔlɔn m'i niimaya min kɛla dunuɲa, wo kɛyine iwo Masa Tɔɔmasenin ta yi teme.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Jude 1:7

Wo boloɲa kelen ma, Sɔdɔmukalu ni Gɔmɔlikalu ni ai laminin solu k'ai fɛ bila kanukɛko la, ani niikanukolu minu bɛnnin tɛ adamadenya ma. Wo le k'a kɛ, Ala k'ai latɔn habadan taa le k'ai kɛ misali le bɛ yɛ.