Matiyu 10:14 - Ala Ya Salatikan Kula Kitabu

¹⁴ Ni mɔɔ suu suu k'i ban ài lɔminako ma, ani k'i ban ai tolomalɔla ài kumakan na, wo vɛ kɛla, ài yi bɔ woja. Ài vɛ kɛla bɔla luu wo ma, niwotɛ so wo la, ài yi je gbangban bɔ ài sen ma, ka wo kɛ ai ban tɔɔmase le.

Matiyu 10:14 ပူးပေါင်းရင်းမြစ်များ

Matiyu 10:13

Ni ai k'ài lɔmina kobɛn, àiya duwawu yi minale ai ma. Ni do ai ma ài lɔmina kobɛn, àiya duwawu yi seikɔle ài ma.

Matiyu 18:5

Ado ni mɔɔ mɔɔ k'a bolo sii denni min ɲɔɔzii kɔlɔ ka bɛn m̀ ma, wo tii v'a bolo sii ǹe gbu kɔlɔ.»

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Malɛkɛ 9:37

«Ni mɔɔ mɔɔ k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii m'a bolo sii ǹe kelen kɔlɔ, mafɔ ǹ kelaba fana.»

Luka 9:48

k'a fɔ ai yɛ, a vɛɛ: «Ni mɔɔ min k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni mɔɔ min do k'a bolo sii ǹ kɔlɔ, wo tii v'a bolo sii ǹ kelaba fana kɔlɔ. Kamasɔlɔn mɔɔ min v'a jɛlɛ dɔɔyala ài bɛ lɔ, wo tii le buɲanin ài bɛ le.»

Luka 9:5

Ni do ai k'i ban ài lɔminala tɛɛ o tɛɛ lɔ, ài yi bɔ so wo la ka je gbangban bɔ ài sen ma, ka wo kɛ ai ban tɔɔmase le.»

Yohana 13:20

Ǹ'i tuɲa fɔ ài yɛ, ni mɔɔ mɔɔ k'a bolo sii ǹa keladen dɔ kɔlɔ, wo tii v'a bolo sii ǹ kɔlɔ. Ado ni mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.»

Kɛkolu 13:51

Ai mɔɔ fila bɔtɔla je, ai k'ai sennu magbasi ka gbangban bɔ ai ma, ka wo kɛ je mɔɔlu ban tɔɔmase le. Wo kɔ, ai ka taa Ikoniyɔmu so la.

Kɛkolu 18:6

Kɛɛ komi ai tɛɛ a sɔsɔla ani k'a jɛvɛ, wo lɔ, Pɔli ka aa faaniba lɔgbasi ka wo kɛ ai ban tɔɔmase le. A vɛɛ: «Ài halakiko yi kɛ ài kunko le. Ǹ sen t'a lɔ. Ka damina bi ma, ǹ kɛtɔ Samakan Kein lasena siboloma gbɛlɛ mɔɔlu le ma.»

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.