Luka 9:48 - Ala Ya Salatikan Kula Kitabu

⁴⁸ k'a fɔ ai yɛ, a vɛɛ: «Ni mɔɔ min k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni mɔɔ min do k'a bolo sii ǹ kɔlɔ, wo tii v'a bolo sii ǹ kelaba fana kɔlɔ. Kamasɔlɔn mɔɔ min v'a jɛlɛ dɔɔyala ài bɛ lɔ, wo tii le buɲanin ài bɛ le.»

Luka 9:48 ပူးပေါင်းရင်းမြစ်များ

Matiyu 18:10

«Ài y'alama, ài kà denni minu dɔ dɔɔya, kamasɔlɔn ǹ'a fɔ ài yɛ, aiya mɛlɛkalu lɔnin ǹ Fa ɲakɔlɔ haijɛnɛ waate bɛ.»

Matiyu 18:14

Wo boloɲa kelen ma, ài Fa min yi haijɛnɛ, wo t'a fɛ denni minu kelen gbu yi halaki.»

Matiyu 19:28

Isa vɛɛ a yɛ: «Ǹ'i tuɲa fɔ i yɛ, dunuɲa vɛ kɛla a kula le, Mɔɔnivin Tanin siitɔ aa masayasiifen nɔɔlɔnin nɔ. Àilu minu bilanin ǹ kɔ, àilu fana siitɔ masayasiifen tan ni fila (12) lɔ ka Bani Isilankalu ya kabila tan ni fila (12) ya kiti tɛɛ.

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 25:45

Wo kɔ, ǹ kɛtɔ ai javila, ǹ ko: ‹Ǹ'i tuɲa fɔ ài yɛ, ài ma ko min kɛ ǹa mɔɔ bɛ lɔ dɔɔmaninda dɔ yɛ, ài n'i banna wo kɛla ǹe le yɛ.›

Malɛkɛ 9:37

«Ni mɔɔ mɔɔ k'a bolo sii denni min ɲɔɔzii kɔlɔ ka bɛn ǹa ko ma, wo tii v'a bolo sii ǹe gbu kɔlɔ. Ni do mɔɔ min k'a bolo sii ǹ kɔlɔ, wo tii m'a bolo sii ǹe kelen kɔlɔ, mafɔ ǹ kelaba fana.»

Luka 10:16

Isa k'a fɔ a kɔbiladennu yɛ, a vɛɛ: «Mɔɔ min v'a tolomalɔla ài la, wo tii v'a tolomalɔ ǹ na. Mɔɔ min v'i banna ài lɔ, wo tii v'i ban ǹe fana lɔ. Ado mɔɔ min v'i banna ǹ nɔ, wo tii v'i ban ǹ kelaba lɔ fana.»

Luka 14:11

Kamasɔlɔn mɔɔ mɔɔ v'a fannɔbuɲala, wo tii ma yi jiile. Ni do mɔɔ mɔɔ v'a fanmajiila, wo tii kɔlɔ yi tale.»

Luka 22:26

Kɛɛ a do man kan ka kɛ ten ài tɛma. Mɔɔ min yi ɲamɔɔ le ài tɛma, wo tii y'a jɛlɛ kɛ iwo denni. Mɔɔ min do yi kuntiiya la, wo tii yi kɛ iwo bɔiden.

Luka 22:30

fɔsa ài yi dɔnni kɛ ani k'ài min ǹ fɛ ǹa masaya lɔ, ani k'ài sii masayasiifennu lɔ ka Bani Isilankalu ya kabila tan ni fila (12) ya kiti tɛɛ.»

Luka 7:28

Ǹ'a fɔ ài yɛ, mɔɔ tɛ mosolu ya densɔlɔnnin nɔ min buɲanin ka timin Yaya la. Wo bɛ n'a kɛ, hali mɔɔ bɛ lɔ dɔɔmandani min fɛ yi Ala ya masaya la, wo tii buɲanin vɛ Yaya le.»

Yohana 13:20

Ǹ'i tuɲa fɔ ài yɛ, ni mɔɔ mɔɔ k'a bolo sii ǹa keladen dɔ kɔlɔ, wo tii v'a bolo sii ǹ kɔlɔ. Ado ni mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.»

Yohana 14:21

Ǹa jamalilu vɛ kɛla mɔɔ min bolo, a do y'ai labatola, wo tii le yi ǹ kanula. Mɔɔ min do vɛ ǹ kanula, ǹ Fa kɛtɔ wo tii le kanula. Ǹe fana kɛtɔ wo tii kanula ka ǹ jɛlɛ jiya a la.»

1 Tɛsalonikakalu 4:8

Wo le y'a ma, ni mɔɔ mɔɔ si k'i ban jamali min ma, wo tii m'i ban adamaden nɔ, mafɔ Ala min y'a Nii Sɛnɛyanin dila ài ma.

1 Piyɛli 5:6

Wo lɔ saa, ài y'ài fanmajii Ala bolo fangama kɔlɔ, fɔsa a ài kɔlɔta a waate bɛlɛ lɔ.

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.