Luka 9:26 - Ala Ya Salatikan Kula Kitabu

²⁶ Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le, Mɔɔnivin Tanin yi maloyale wo tii le, a vɛ nala lon min na aa magbiliyali lɔ, ani a Fa aa magbiliyali, ani lɔhɔlɔma mɛlɛkalu ya magbiliyali.

Luka 9:26 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 25:31

«Mɔɔnivin Tanin vɛ nala aa magbiliyali lɔ lon min na, mɛlɛka bɛ vɛ a fɛ, a siitɔ aa masayasiifen nɔɔlɔnin nɔ.

Matiyu 26:64

Isa vɛɛ a yɛ: «Ile gbu vɛ wo fɔ. Kɛɛ ǹ'a fɔ ài yɛ, ǹ ko, ka damina bi ma ka taa, ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Malɛkɛ 8:38

Wo le kɛtɔ a kɛla, ni mɔɔ min vɛ maloyala ǹe ni ǹ kumakannu le bi lanandeyabalilu ni Alalɔnbalilu ɲakɔlɔ, wo vɛ kɛla, Mɔɔnivin Tanin yi maloyale wo tii le, a vɛ nala lon min na a Fa aa magbiliyali lɔ, lɔhɔlɔma mɛlɛkalu v'a fɛ.»

Yohana 12:43

Kamasɔlɔn adamadennu ya magbiliyali le diyanin tɛɛ ai yɛ ka timin Ala ta la.

Yohana 5:44

Ài yi se limaniyala di, k'a talan ài yi magbiliyali ɲininna i ɲɔɔ fɛ, kɛɛ ài do tɛ magbiliyali wo ɲininna min yi bɔla Ala kelenpesa fɛ?

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Lɔmukalu 1:16

Ǹ tɛ maloyala Samakan Kein ya ko lɔ, kamasɔlɔn Ala ya seetiiya le wo le min yi nala kisiko le Isa malimaniyamɔɔlu bɛ yɛ, ka damina Jahudiyalu ma ani siboloma gbɛlɛ mɔɔlu fana.

2 Kolɛntikalu 12:10

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

Galatiyakalu 6:14

Ǹe koni, ǹ tɛnala ǹ jɛlɛ matɔɔla ko ko si lɔ, mafɔ mɔ Tii Masa Tɔɔmasenin Isa gbaanko kɔlɔman ma dein. Ka bɛn wo ma, dunuɲa kɛnin ǹ ɲana fen sanin ne le, ado ǹe fana yi fen sanin ne le dunuɲa ɲana.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

2 Timote 2:12

Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Hebululu 13:13

Wo lɔ saa, ài m'i taa bɔ a ma so kɔɔkan ka aa lafeyali ɲɔɔzii sɔlɔn.

Jude 1:14

Enɔki, min tɛɛ Mema Adama bɔzɔn wolowulanna lɔsii le, wo le ka kelaya kɛ ka bɛn faɲafɔ kalanmɔɔ wolu ya ko ma, a vɛɛ: «Ài y'a ye! Mɔ Tii kɛtɔ nala aa lɔhɔlɔma mɛlɛka waa jilika jilika le,

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!

Ko Lankɛnɛmayanin 20:11

Wo kɔ, ǹ ka masayasiifen gbɛ makawanin dɔ ye, ani min siinin tɛɛ a kɔkan. Sangbolo ni duukolo bɛ ka bɔli ka bɔ a ɲakɔlɔ, ai do ma ye butu.

Ko Lankɛnɛmayanin 21:8

Kɛɛ jiitɔlu koni, ani lanandeyabalilu, ani jɛlɛlakɔsɔmɔɔlu, ani mɔɔfaabalu, ani kanukɛbalu, ani subalu ni joosɔbalu, ani faɲafɔbalu bɛ, wolu kɛtɔ ai ta nii sɔlɔnna taa diɲa ba le lɔ, timiliki kawa yi ɲɛninna tɛɛminja. Wo yi saya filana le le.»

Ko Lankɛnɛmayanin 3:5

Ni mɔɔ min ka see sɔlɔn, wo tii fana kɛtɔ faani gbɛ bilala a kanna iwo dɔ wolu, ado ǹ tɛnala a tɔɔ bɔla niimaya kitabu kɔnɔ tuun, mafɔ k'a tɔɔ fɔ ǹ Fa ni aa mɛlɛkalu ɲakɔlɔ.