Luka 9:1 - Ala Ya Salatikan Kula Kitabu

¹ Isa ka aa keladen mɔɔ tan ni fila (12) ladɛn mingɛ, a ka fanga ni seetiiya di ai ma, fɔsa ai yi se jinajuulu gbɛnna mɔɔlu lɔ, ani ka jangalotɔlu lakɛnɛya.

Luka 9:1 ပူးပေါင်းရင်းမြစ်များ

Matiyu 16:19

Ǹ kɛtɔ koɲiilu dila i ma ka da laka mɔɔlu yɛ, fɔsa ai yi don haijɛnɛ masaya lɔ. Ni i ka ko ko si lasili duukolo kɔkan, wo lasilitɔle haijɛnɛ. Ni do i ka ko ko si lafɔlin duukolo kɔkan, wo fana lafɔlintɔle haijɛnɛ.»

Matiyu 4:24

Isa mangutu ka bɔ Siliya duu fan bɛ lɔ, ado ai tɛɛ nala mɔɔlu le a fɛlɔ minu tɔlɔnin tɛɛ jangalo ni falilɔdimin suu bɛ bolo. Jinatɔlu o, fɔlifɔlitɔlu o, namalanilu o, a ka wolu bɛ lakɛnɛya.

Matiyu 8:9

Kamasɔlɔn ǹe fana yi dɔ le ya fanga kɔlɔ, ado sɔdasilu yi ǹa fanga kɔlɔ. M̀'ɛ a fɔla min yɛ: ‹Taa!›, wo yi taale. Ǹe do v'a fɔla min yɛ: ‹Na!›, wo yi nale. M̀'ɛ a fɔla ǹa bɔiden yɛ: ‹Min kɛ!›, a yi wo kɛle.»

Luka 10:1

Wo kɔ, mɔ Kuntii ka mɔɔ biwolowulan ni fila (72) gbɛlɛ ta, k'ai lataa a ɲa fila fila le, ko ai yi taa tooda ni solu bɛ la, ale gbu tɛɛ ka kan ka taa dingila minu lɔ.

Luka 10:19

Ài tolomalɔ, m̀'ɛ seetiiya di ài ma ka taama salu ni wanzosalu kɔkan, ani ka see sɔlɔn ài juu Soitana ni a fanga bɛ ma. Koyon foi tɛnala ài masɔlɔnna.

Yohana 14:12

Ǹ'i tuɲa fɔ ài yɛ, mɔɔ min vɛ limaniyala m̀ ma, wo tii fana kɛtɔ ǹ kɛko ɲɔɔziilu kɛla. A do kɛtɔ a dɔlu kɛla minu buɲanin ǹ talu le, kamasɔlɔn ǹ taatɔle ǹ Fa fɛlɔ.

Kɛkolu 1:8

Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

Kɛkolu 3:16

Kawananko min kɛnin limaniya le fɛ Isa tɔɔ lɔ. Ài ɲa yi kɛ́ min nɔ, ài do ka min lɔn, Isa tɔɔ le na fanga dila a ma. Limaniya min falannin Isa tɔɔ la, wo le kɛnin sabu le, ài y'a kɛnɛyanin dafanin yena yi ne.

Kɛkolu 4:30

I iya foniseleya jiya fɔsa m'i mɔɔlu lakɛnɛya, ani ka tɔɔmase ni kawanankolu kɛ iya bɔiden sɛnɛyanin Isa tɔɔ lɔ.»

Kɛkolu 9:34

Piyɛli do vɛɛ a yɛ: «Enese, Masa Tɔɔmasenin Isa v'i lakɛnɛya yi ne. I wuli, i iya lafen ladɛn.» Enese k'i wuli telemanin.