Luka 8:54 - Ala Ya Salatikan Kula Kitabu

⁵⁴ Isa do ka taa denni mina a bolo ma k'a kan labɔ, a vɛɛ: «Denni, i wuli!»

Luka 8:54 ပူးပေါင်းရင်းမြစ်များ

Matiyu 9:25

Ai ka jama labɔ mingɛ luu ma, Isa ka don bon na, ka singbilini su mina a bolo ma. Singbilini do k'i wuli.

Malɛkɛ 1:31

Wo lɔ, Isa ka taa a ma, k'a mina a bolo ma k'a lawuli. Wo kɛ, nɛnɛgbani ka bɔ a fali lɔ. Moso do k'i wuli ka gbadon ai yɛ.

Malɛkɛ 8:23

Wo lɔ, Isa ka ɲagbɛ mina a bolo ma ka taa a le so kɔma. A do k'a daji kɛ a ɲa ma, k'a bolo la a kɔkan mingɛ, a vɛɛ a yɛ: «I yi fen yena?»

Malɛkɛ 9:27

Kɛɛ Isa k'a mina a bolo ma k'a lawuli, denni do k'i lɔ.

Luka 8:51

A senin Jailusi fɛlɔ, a ma diɲa mɔɔ foi yi don a fɛ bon na, mafɔ Piyɛli ni Yohana ni Janguba, ani den fa ni a ba.

Luka 8:53

Ai do ka jɛlɛbɔ a lɔ, kamasɔlɔn ai bɛ tɛɛ k'a lɔn feu ko denmosoni vɛ sa.

Luka 8:55

Wo fɔ Isa bolo, denni nii la ka sei a lɔ, a do k'i wuli telemanin. Wo kɛnin, Isa k'ai lɔ ko ai yi dɔnni di denni ma.

Yohana 11:43

Wo fɔ Isa bolo, a k'a kan labɔ bakɛ, a vɛɛ: «Lazali, bɔ kɛnɛma!»

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Kɛkolu 9:40

Kɛɛ Piyɛli k'ai bɛ labɔ bon na, k'i bilin a kumɛlɛni la ka Ala dali. A do k'a ɲa kaa fuleni lɔ k'a fɔ a yɛ, a vɛɛ: «Tabita, i wuli!» Wo fɔ, moso ɲa la ka ka. A do ka Piyɛli ye mingɛ, a k'i wuli k'i sii.

Lɔmukalu 4:17

A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.