Luka 8:41 - Ala Ya Salatikan Kula Kitabu

⁴¹ Wo waate kelen nɔ, Aladalibon ɲamɔɔ dɔ min tɔɔ tɛɛ ko Jailusi, wo ka na Isa ma. A do k'i kɛ a sen kɔlɔ k'a madiya ko a yi taa aa bon na,

Luka 8:41 ပူးပေါင်းရင်းမြစ်များ

Luka 13:14

Kɛɛ Aladalibon wo ɲamɔɔ josoma ka gba, kamasɔlɔn Isa na mɔɔ lakɛnɛyala Nɔningɛlon. A do vɛɛ jama yɛ: «Tele wɔɔlɔ le yi je baalekɛko lɔ. Wo lɔ, ài yi na, ài yi kɛnɛya sɔlɔn tele wolu le kɔlɔ. Kɛɛ ài kà na Nɔningɛlon feu!»

Luka 17:16

A k'i kɛ Isa sen kɔlɔ ka balika bɔ a yɛ. Ado Samaliyaka le tɛɛ a le.

Luka 5:8

Simɔn Piyɛli ka wo ye mingɛ, a v'i mabilinna Isa sen kɔlɔ k'a fɔ a yɛ, a vɛɛ: «Ǹ Kuntii, i i majaanya ǹ na, kamasɔlɔn julumbutɔ le ǹ ne.»

Luka 8:42

kamasɔlɔn a denmoso kelenpesa min vɛ sanji tan ni fila (12) jate sɔlɔn, wo yi sa bolo le ma. Isa taatɔla je, jama tɛɛ a lɔgbalinna ai tɛma.

Luka 8:49

Isa ka to kumala, mɔɔ dɔ ka na ka bɔ Aladalibon ɲamɔɔ ya bon na k'a fɔ a yɛ, a vɛɛ: «I denmoso vɛ sa. I kà kalanmɔɔ ɲagba butu.»

Yohana 11:21

Maata do vɛɛ Isa yɛ: «Ǹ Kuntii, ni i tɛɛ vɛ kɛla jan, ǹ dɔɔkɛ tɛɛ tɛnala sala.

Kɛkolu 13:15

Mɔɔ dɔ vɛ Nabi Musa ya Taulati fan dɔ kalanna, ka kelalu ya kitabu fan dɔ fana kalan. Kalan wo bannin, Aladalibon ɲamɔɔlu ka kela lataa Pɔli ni Baanabasi ma, ai vɛɛ: «Mɔ badenmalu, ni kuma ka kɛ ài bolo k'a fɔ jama sɛmɛdonko lɔ, ài yi wo fɔ.»

Kɛkolu 18:17

Wo kɛ, ai bɛ k'i kɛ Sositɛnɛ kan, min tɛɛ Aladalibon ɲamɔɔ le, k'a gbasi kititɛɛya ɲafɛla lɔ. Galiyo do ma hamin wo le.

Kɛkolu 18:8

Aladalibon wo ɲamɔɔ Kilisipusi ni aa bonnamɔɔlu bɛ ka limaniya mɔ Tii ma. Kolɛntika siyama fana ka Pɔli kumakan mɛn, ka limaniya, ka ban ka makoli sɔlɔn.

Kɛkolu 9:38

Komi Lida so masulunyanin tɛɛ Jopa la, wo lɔ, Isa kɔbiladen minu tɛɛ Jopa k'a mɛn mingɛ ko Piyɛli yi Lida, ai ka mɔɔ fila kelaya a ma k'a madiya ko a yi na telemanin.

Ko Lankɛnɛmayanin 5:8

A ka kafa mina mingɛ, niimafen naani wolu ani kɛmɔba muan ni naani (24) ka suudi ben Saa Bolan wo yɛ. Kɔni tɛɛ ai kelenkelenna bɛ bolo, ani sanu tasa min lafanin tɛɛ wusulan na, min taanin kɛla mumininnu ya Aladalikannu le.