Luka 8:25 - Ala Ya Salatikan Kula Kitabu

²⁵ Wo kɛnin, Isa vɛɛ ai yɛ: «Àiya limaniya yi min ne?» Ai bɛ ka siyan ka kawakoya, k'a kɛ a fɔle i ɲɔɔ yɛ, ai vɛɛ: «Mɔɔ suu mindɛ le min ne? Hali a yi fɔɲɛ ni kɔɔ gbu jamalila, ai do y'a kumakan labatola.»

Luka 8:25 ပူးပေါင်းရင်းမြစ်များ

Matiyu 14:31

Isa k'a bolo lɔsama telemanin ka Piyɛli mina, a vɛɛ a yɛ: «Ile min ya limaniya dɔɔyanin, mindɛ y'a kɛla vɛ i yi sikala?»

Matiyu 17:20

Isa vɛɛ ai yɛ: «Ài ma se kamasɔlɔn àiya limaniya le dɔɔyanin. Ǹ'i tuɲa fɔ ài yɛ, hali ni àiya limaniya buɲa jate ka kɛ iwo mutaadi kolo, ài yi sene a fɔla tini min yɛ ko a yi bɔ a nɔ lɔ ka taa, a do yi taale. Ài tɛnala kolila ko ko la.

Matiyu 6:30

Àilu minu ya limaniya dɔɔyanin, ni Ala yi tuukɔlɔbinnu feeyabɔla ten, minu yi je bi k'ai ɲɛnin taa lɔ sinin, a tɛnala ài feeyabɔla ka timin wolu la?

Matiyu 8:10

Wo mɛn Isa bolo, a ka kawakoya k'a fɔ a kɔbilabalu yɛ, a vɛɛ: «Ǹ'i tuɲa fɔ ài yɛ, m̀ ma limaniya min ɲɔɔzii ye ba Bani Isilankalu tɛma bene.

Matiyu 8:26

Kɛɛ a do vɛɛ ai yɛ: «Àilu minu ya limaniya dɔɔyanin, mindɛ do y'a kɛla vɛ ài yi siyanna?» Wo fɔ a bolo, a k'i wuli ka kɔɔ ni fɔɲɛ jamali, ado kɔɔ ni fɔɲɛ lɔ ka sumaya tue.

Malɛkɛ 4:35

Wo lon wulala, Isa vɛɛ a kɔbiladennu yɛ: «Ài ndaa kɔɔ kɔma.»

Luka 12:28

Ni Ala yi tuukɔlɔbinnu feeyabɔla ten, minu yi je bi k'ai ɲɛnin taa lɔ sinin, a lagbɛyine feu ko a kɛtɔ ài feeyabɔla, àilu minu ya limaniya dɔɔyanin!

Luka 8:24

Wo kɛ, ai k'i madon Isa la k'a lakunun. Ai do vɛɛ a yɛ: «Kalanmɔɔ! Kalanmɔɔ! Mɔ satɔle!» Isa k'i wuli ka fɔɲɛ ni kɔɔ jamannin jamali, ai do lɔ ka sumaya tue.

Luka 8:26

Ai do ka kɔɔ tɛɛ ka se Gelasekalu ya duu lɔ, min yi kɔɔ kɔma, a ɲatiliminnin Galile la.

Yohana 11:40

Isa do k'a javi, a vɛɛ: «M̀ m'a fɔ i yɛ, ni i ka limaniya, i kɛtɔ Ala ya magbiliyali yena?»