Luka 8:21 - Ala Ya Salatikan Kula Kitabu

²¹ A do k'ai javi, a vɛɛ: «Mɔɔ mɔɔ vɛ Ala kumakan mɛnna k'a labato, wolu le m̀ ba ni ǹ dɔɔkɛlu le.»

Luka 8:21 ပူးပေါင်းရင်းမြစ်များ

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 25:45

Wo kɔ, ǹ kɛtɔ ai javila, ǹ ko: ‹Ǹ'i tuɲa fɔ ài yɛ, ài ma ko min kɛ ǹa mɔɔ bɛ lɔ dɔɔmaninda dɔ yɛ, ài n'i banna wo kɛla ǹe le yɛ.›

Matiyu 28:10

Wo kɛ, Isa do vɛɛ ai yɛ: «Ài kà siyan. Ài yi taa a fɔ m̀ badenmalu yɛ ko ai yi taa Galile. Ai do kɛtɔ ǹ yena je.»

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Luka 8:20

Wo lɔ, ai vɛɛ Isa yɛ: «I ba ni i dɔɔkɛlu lɔnin luu ma. Ai y'a fɛ k'i ye.»

Yohana 13:17

Ni ài ka ko minu lɔn ani k'ai kɛ, ài kɛtɔ duwawuden ne le.

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

2 Kolɛntikalu 5:16

Wo ma yi ne, mɔ tɛ mɔɔ mɔɔ si jatela butu mɔɔnivinya boloma. Hali mɔ tɛɛ Masa Tɔɔmasenin jatela boloɲa wo le ma kɔlɔman ne, kɛɛ tandainɔ, mɔ tɛ a jatela ten butu.

2 Kolɛntikalu 6:18

Ǹe do kɛtɔ kɛla ài Fa le le, ani ài kɛtɔ kɛla ǹ denkɛlu ni ǹ denmosolu le, Ala Seebɛtii kan ne wo le.»

Janguba 1:22

Ài yi kɛ Ala kumakan labatobalu le. Ài do kà kɛ a lamɛnba le dein, k'ài jɛlɛ lafili wo le.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

3 Yohana 1:11

Ǹ diyananmɔɔ, i k'i bila koyon fɛ, mafɔ koɲuma. Mɔɔ min yi koɲuma kɛla, wo tii yi Ala ta le le. Kɛɛ mɔɔ min yi koyon kɛla, wo tii ma Ala lɔn feu.