Luka 7:41 - Ala Ya Salatikan Kula Kitabu

⁴¹ Isa vɛɛ: «Kɛ́ dɔ ya julu tɛɛ mɔɔ fila la. A kelen ta bɛnnin tɛɛ wɔligbɛ gbana kɛmɛ loolu (500) le ma. A tɔ kelen ta bɛnnin tɛɛ wɔligbɛ gbana biloolu (50) le ma.

Luka 7:41 ပူးပေါင်းရင်းမြစ်များ

Matiyu 18:28

«Bɔiden do vɛ bɔla je ka taa bɛn a bɔidenɲɔɔ dɔ le, aa wɔligbɛ gbana kɛmɛ (100) julu tɛɛ min na. A do vɛ wo minala a kanma k'a lɔja fɔɔ ka wo nunakili matɛɛ. A vɛɛ a yɛ: ‹Ǹa julu sala!›

Matiyu 6:12

I yi maa koyonnu lɔkoto, iwo ǹu fana vɛ mɔɔlu makoto teme, minu na koyon kɛla mɔ la.

Malɛkɛ 6:37

Kɛɛ Isa vɛɛ ai yɛ: «Àilu gbu yi balo di ai ma.» Ai do vɛɛ a yɛ: «Jalasa m'i taa wɔligbɛ gbana kɛmɛ fila (200) bulu le san k'a di jama ma?»

Luka 11:4

I yi maa koyonnu lɔkoto, baa ǹu gbu yi mɔɔlu makotola minu yi koyon kɛla mɔ la. I do kà diɲa mɔ ma yi nɛɛ ka bila koyon nɔ.»

Luka 12:48

Kɛɛ bɔiden min ma aa kuntii sawo lɔn, ni a ka kobɛnbali dɔ kɛ min ni gbasili kaannin, bɔiden wo gbasitɔle dɔni ne. Kamasɔlɔn fen siyama dinin mɔɔ min ma, fen siyama maɲiningatɔ wo tii le la. Ado fen siyama kalifanin mɔɔ min na, fen siyama makilitɔ wo tii le la.»

Luka 13:4

Mɔɔ tan ni sein (18) wolu do, sangaso na benna minu kɔkan k'ai faa Silowe fannɔ? A ài kɔnɔ ko wolu sɔn kɛwonyanin tɛɛ ka timin Jelusalɛmuka tɔ bɛ la?

Luka 7:40

Wo lɔ, Isa vɛɛ a yɛ: «Simɔn, ǹ'a fɛ ǹ'i kuma dɔ fɔ i yɛ.» Simɔn k'a javi, a vɛɛ: «Kalanmɔɔ, a fɔ.»

Luka 7:47

Wo lɔ saa, ǹ'a fɔ i yɛ, moso min ya julumbu siyama bɛ lɔ vɛ koto ka bɛn aa kanundeya wala jate ma. Kɛɛ do, ni a dɔni lɔ ka koto mɔɔ min yɛ, wo tii ya kanundeya dɔɔyatɔle fana.»

Lɔmukalu 3:23

kamasɔlɔn bɛ vɛ julumbu ta k'ai fo Ala ya magbiliyali la,

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.