Luka 7:40 - Ala Ya Salatikan Kula Kitabu

⁴⁰ Wo lɔ, Isa vɛɛ a yɛ: «Simɔn, ǹ'a fɛ ǹ'i kuma dɔ fɔ i yɛ.» Simɔn k'a javi, a vɛɛ: «Kalanmɔɔ, a fɔ.»

Luka 7:40 ပူးပေါင်းရင်းမြစ်များ

Matiyu 26:49

Judasi k'i madon Isa la telemanin k'a fɔ a yɛ, a vɛɛ: «Kalanmɔɔ, i ni wula!» A do vɛ Isa sumuna a tama lɔ.

Matiyu 7:22

Kititɛɛlon, mɔɔ siyama kɛtɔ a fɔla ǹ yɛ, ko: ‹Kuntii, Kuntii, ǹu ma kelaya kɛ i tɔɔ le lɔ? Ǹu ma jinalu gbɛn k'ai bɔ mɔɔlu lɔ i tɔɔ le lɔ, ani ka kawananko siyama kɛ?›

Luka 18:18

Jahudiyalu ya ɲamɔɔ dɔ ka Isa maɲininga, a vɛɛ: «Kalanmɔɔ ɲuma, ǹ ka kan ka mindɛ kɛ fɔsa ǹ'i niimaya banbali sɔlɔn?»

Luka 5:22

Kɛɛ Isa tɛɛ k'ai miliya lɔn. A do vɛɛ ai yɛ wo lɔ: «Mindɛ lɔ miliya suu wo y'ài josokun nɔ?

Luka 5:31

Isa do k'ai javi, a vɛɛ: «Kɛnɛyabatɔ mako tɛ basibɔba la, mafɔ jangalotɔ.

Luka 6:8

A do tɛɛ k'ai miliya lɔn. A do k'a fɔ kɛ́ yɛ, min bolo faanin tɛɛ a ma, a vɛɛ: «I wuli, i lɔ jama tɛma.» Wo do v'i wulila k'i lɔ.

Luka 7:39

Falisi kɛ́ min ka Isa kili je, wo ka wo ye k'a fɔ a kɔnɔ, a vɛɛ: «Ni kɛ́ min tɛɛ kɛ kela bɛlɛbɛlɛ le, a tɛɛ moso min suu lɔnne min y'a bolo tuula a la yi ne, kamasɔlɔn julumbutɔ le.»

Luka 7:41

Isa vɛɛ: «Kɛ́ dɔ ya julu tɛɛ mɔɔ fila la. A kelen ta bɛnnin tɛɛ wɔligbɛ gbana kɛmɛ loolu (500) le ma. A tɔ kelen ta bɛnnin tɛɛ wɔligbɛ gbana biloolu (50) le ma.

Yohana 13:13

Ài y'a fɔla m̀ ma ko Kalanmɔɔ ani Kuntii. Wo bɛnyine, kamasɔlɔn wo le ǹ ne.

Yohana 16:19

Isa tɛɛ k'a lɔn ai tɛɛ a fɛ k'a maɲininga ko wolu ma. Wo lɔ, a vɛɛ ai yɛ: «Ǹ n'a fɔla, ǹ ko, waateni vɛ timinna, ài tɛnala ǹ yena butu, kɛɛ waateni vɛ timinna wo kɔ, ài kɛtɔ ǹ yena kɔtunun. Ài i ɲɔɔ maɲiningala wo kɔlɔ le ma?

Yohana 16:30

Mɔ v'a ɲaye butu ko i ka ko bɛ lɔn, i do mako tɛ mɔɔ ya ɲiningali la. Wo le n'a kɛla, mɔ vɛ limaniya k'a fɔ ko i nanin ka bɔ Ala le fɛlɔ.»

Yohana 3:2

Lon dɔ, a ka taa Isa fɛlɔ su lɔ k'a fɔ a yɛ, a vɛɛ: «Kalanmɔɔ, mɔ k'a lɔn Ala le n'i kelayala mɔɔlu kalanko lɔ, kamasɔlɔn mɔɔ foi tɛ se iya kawananko minu ɲɔɔzii kɛla, ni Ala ma kɛ mɔɔ min fɛ.»