Luka 7:37 - Ala Ya Salatikan Kula Kitabu

³⁷ Wo k'a talan moso dɔ tɛɛ so wo kɔnɔ, min tɛɛ julumbutɔ le. Wo k'a mɛn mingɛ ko Isa yi dɔnnikɛya lɔ Falisi kɛ́ ya bon na, a ka na baabɔlɔn ne, min ladannin kawa kein ne. A lafanin tɛɛ tulu sumadiyanin daagbɛlɛn na.

Luka 7:37 ပူးပေါင်းရင်းမြစ်များ

Matiyu 21:31

Denkɛ fila wolu lɔ, jene na a fa sawo kɛla?» Ai ka Isa javi, ai vɛɛ: «Denkɛ kunfɔlɔ.» Wo lɔ, Isa vɛɛ ai yɛ: «Ǹ'i tuɲa fɔ ài yɛ, niisɔɔnminabalu ni sungulunbalu dontɔle àilu ɲa Ala ya masaya lɔ.

Luka 18:13

Kɛɛ niisɔɔnminaba ka to poon. A do ma diɲa ka hali a ɲa lajɛlɛ sanma, fɔ ka kɛ a sisi magbasile josomakasi boloma, a vɛɛ: ‹Ala, hena ǹ na, ǹe min yi julumbutɔ le.› »

Luka 19:7

Wo ye mɔɔlu bolo, ai bɛ vɛ Isa mafɔla, ai vɛɛ: «A diɲanin ka julumbutɔ kɛ a jetii le.»

Luka 5:30

Kɛɛ Falisilu ni seliya kalanmɔɔlu tɛɛ dakɔlɔkuma fɔla Isa kɔbiladennu yɛ, ai vɛɛ: «Mindɛ lɔ ài yi dɔnni kɛla k'i min niisɔɔnminabalu ni julumbutɔlu fɛ?»

Luka 5:32

M̀ ma na mɔɔ telenninu kiliko lɔ, mafɔ julumbutɔlu, fɔsa ai y'ai dajoo mafalin.»

Luka 7:34

Mɔɔnivin Tanin fana vɛ na. Ale do yi dɔnni kɛla k'i min. Wo le y'a kɛla, ài y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le.

Luka 7:36

Falisi kɛ́ dɔ ka Isa kili ko a yi taa a fɛlɔ dɔnnikɛya lɔ. Isa do ka taa aa bon na k'i sii ka dɔnni damina.

Yohana 11:2

Mɔyamu min na tulu sumadiyanin munna mɔ Kuntii sen ma k'a matɛ a kunsi la, wo dɔɔkɛ Lazali le tɛɛ jangalola.

Yohana 9:24

Kɛ́ min sɔlɔnnin tɛɛ ɲagbɛtɔya lɔ, Falisilu k'a kili a siɲa filana lɔ k'a fɔ a yɛ, ai vɛɛ: «Magbiliyali di Ala ma! Mɔ k'a lɔn ne ko kɛ́ wo yi julumbutɔ le le.»

Yohana 9:31

Mɔ k'a lɔn Ala tɛ julumbutɔ ya madailikan minala, kɛɛ mɔɔ mɔɔ vɛ Ala buɲala k'a sawo kɛ, a yi wo tii ya madailikan ne minala.

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

1 Piyɛli 4:18

A do sɛvɛnin kitabu kɔnɔ tan ne, ko: «Ni telenmande kisiko gbeleyanin ka kɛ, Alaɲasiyanɲɛbali ni julumbutɔ do?»