Luka 6:49 - Ala Ya Salatikan Kula Kitabu

⁴⁹ Kɛɛ mɔɔ min yi ǹ kumakannu mɛnna, a do tɛ ai labatola, wo tii kɛyine iwo bonlɔba min ma diɲa sen aa bonjusii waate. Kɔɔfa ka se bon wo ma mingɛ, a do ka te telemanin tɛtɛ!»

Luka 6:49 ပူးပေါင်းရင်းမြစ်များ

Matiyu 23:3

Ai vɛ min min si fɔla ài yɛ, ài yi wo labato. Kɛɛ ai yi ko minu kɛla, àilu kà wo ɲɔɔzii kɛ dɛ! Kamasɔlɔn ai yi mɔɔlu kalanna min na, ai tɛ wo kɛla.

Matiyu 24:10

Mɔɔ siyama kɛtɔ limaniya siya bilala, k'i ɲɔɔ don mɔɔlu bolo, ani k'i ɲɔɔ lagbeyaɲɛ.

Malɛkɛ 4:17

Kɛɛ do, kuma wo lilen tɛ donna ka jaanfa ai josokun nɔ. A do tɛ tola ai kɔnɔ. Gbeleya vɛ ai masɔlɔnna, niwotɛ mɔɔlu vɛ ai jangatala ka bɛn Ala kumakan ma, ai yi limaniya siya bilala telemanin.

Luka 12:47

«Bɔiden min ka aa kuntii sawo lɔn, kɛɛ a do m'a jɛlɛ lɔbɛn, kumatɛ ka aa kuntii sawo kɛ, wo vɛ kɛla, wo tii gbasitɔle bubale!

Luka 19:14

«Kɛɛ aa jamanakɔnɔmɔɔlu k'a lagbeyaɲɛ. Wo lɔ, ai ka keladennu lataa a kɔ ko ai t'a fɛ a yi masaya kɛ ai kunna.

Luka 19:27

Ǹ juulu koni, minu tɛɛ tɛ a fɛ ǹ'i masaya kɛ ai kunna, ài yi na ai bɛ le jan k'ai faa ǹ ɲakɔlɔ.› »

Luka 6:46

«Mindɛ y'a kɛla vɛ ài y'a fɔla m̀ ma ko ‹Kuntii, Kuntii,› k'a talan ài tɛ ǹ kumakannu labatola?

Luka 6:48

A kɛyine iwo bonlɔba min na diɲa ba senna, ka aa bonjusii falakolo kɔkan. Kɔɔ ka fa ka se bon wo ma, kɛɛ bon ma jaajaa, kamasɔlɔn a lɔnin tɛɛ kobɛn.

Luka 7:1

Isa wɔlinin wo bɛ fɔla jama yɛ, a do vɛ taala ka se Kapɛlɛnamu so kɔnɔ.

Yohana 15:2

Ni m̀ bolo min tɛ a dɛnna, ǹ Fa yi wo tɛɛle a la k'a lafili. Kɛɛ do, ni m̀ bolo min vɛ kɛla a denna, a yi wo kun latɛɛle, fɔsa a a den siyama kɛ ka timin a kunfɔlɔ ta la.

Kɛkolu 20:29

Ǹ k'a lɔn m̀'ɛ taala waate min nɔ, mɔɔ yonnu dontɔ ài tɛma iwo soofalilu, minu tɛnala saa kulu tola je.

Kɛkolu 26:11

Ǹ ka taa Aladalibonnu la siɲa siyama lɔ, k'ai latɔn, ani k'ai lɔ kuma yon fɔla Isa ma fangamaya boloma. Mɔnɛya boloma ai kanma, ǹ tɛɛ taala jamana gbɛlɛ solu gbu la ai jangatako lɔ.

1 Tɛsalonikakalu 3:5

Wo le y'a ma, ǹ tɛɛ tɛ se a minala m̀ ma mingɛ, ǹ na Timote lataala ài ma k'a lɔn àiya limaniya yi teme. Kamasɔlɔn ǹ tɛɛ siyanna k'a fɔ ko Soitana vɛ ài manɛɛ boloɲa dɔ ma, ka maa baale kɛ kofuun ne.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

1 Yohana 2:19

Mɔɔ wolu bɔnin mɔ tɛma le, kɛɛ ai fɛ tɛɛ tɛ mɔ la, kamasɔlɔn ni ai tɛɛ kɛ mɔ dɔ le, ai tɛɛ tole mɔ fɛ. Kɛɛ komi ai vɛ bɔ mɔ fɛ, wo v'a lagbɛ ko ai suu suu fɛ tɛɛ tɛ mɔ la.