Luka 6:48 - Ala Ya Salatikan Kula Kitabu

⁴⁸ A kɛyine iwo bonlɔba min na diɲa ba senna, ka aa bonjusii falakolo kɔkan. Kɔɔ ka fa ka se bon wo ma, kɛɛ bon ma jaajaa, kamasɔlɔn a lɔnin tɛɛ kobɛn.

Luka 6:48 ပူးပေါင်းရင်းမြစ်များ

Luka 6:47

Mɔɔ min yi nala m̀ ma ka ǹ kumakannu labato, ǹ'i se wo tii lala min ma, ǹ kɛtɔ wo le fɔla ài yɛ.

Luka 6:49

Kɛɛ mɔɔ min yi ǹ kumakannu mɛnna, a do tɛ ai labatola, wo tii kɛyine iwo bonlɔba min ma diɲa sen aa bonjusii waate. Kɔɔfa ka se bon wo ma mingɛ, a do ka te telemanin tɛtɛ!»

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

Ɛfɛsikalu 2:20

Ala k'ài lɔ k'ài kɛ bon ne min jusiinin keladennu ni kelalu kɔkan, ado Masa Tɔɔmasenin Isa gbu le yi bon wo tungun kawakulun ne.

2 Timote 2:19

Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.