Luka 6:45 - Ala Ya Salatikan Kula Kitabu

⁴⁵ Mɔɔ kein yi kokein ne kɛla, kamasɔlɔn wo yi bɔla a josokun kein ne lɔ. Kɛɛ do, mɔɔ yon yi koyon ne kɛla, kamasɔlɔn wo yi bɔla a josokun yon ne lɔ. Kamasɔlɔn mɔɔ josokun lafanin ko min na, a da yi wo le fɔla.»

Luka 6:45 ပူးပေါင်းရင်းမြစ်များ

Yohana 7:38

Ni do mɔɔ min ka limaniya m̀ ma, a kɛtɔle iwo a sɛvɛnin kitabu kɔnɔ teme, ko: ‹Niimaya ji woyotɔle a josokun nɔ iwo kɔɔkun.› »

Kɛkolu 5:3

Kɛɛ Piyɛli vɛɛ a yɛ: «Ananiya, a yi di vɛ i na diɲala Soitana yi don i josokun nɔ, haan fɔɔ i na faɲa fɔla Nii Sɛnɛyanin yɛ, ka wɔli fan kelen ladalo i jɛlɛ yɛ?

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Ɛfɛsikalu 4:29

Ado ài kà diɲa kuma kɛwonnu yi bɔ ài da, mafɔ kuma minu yi se mɔɔlu lasawatila ani k'ai mako laɲia boloɲa dɔ ma, fɔsa ài lamɛnbalu yi nafa sɔlɔn.

Ɛfɛsikalu 5:19

Ài i ɲɔɔ sɛmɛdon Zabuli kitabu dɔngililu le, ani baitilu, ani dɔngililu Nii Sɛnɛyanin yi minu dila. Ài yi dɔngililu la ka mɔ Tii tanu ài josokun bɛ le!

Kɔlɔsikalu 3:16

Masa Tɔɔmasenin kumakan yi sawati ài tɛma boloɲa bɛ ma, ài v'i ɲɔɔ kalanna k'i ɲɔɔ lali hangilimaya bɛ la, ani ka Zabuli kitabu dɔngililu la, ani baiti ni dɔngililu Nii Sɛnɛyanin yi minu dila, ka balika bɔ Ala yɛ ài josokun bɛ le.

Kɔlɔsikalu 4:6

Àiya kumafɔɲa yi bɛn ka diya mɔɔlu yɛ waate bɛ, fɔsa ài y'a lɔn ài ka kan ka mɔɔ kelenkelenna bɛ javi teme.

Hebululu 8:10

Kɛɛ lon wolu vɛ timinna, ǹe ài Tii vɛɛ ko, ǹ kɛtɔ salatikan min ne tala Bani Isilankalu yɛ: Ǹ kɛtɔ ǹa seliyalu bilala ai hangili lɔ, ani k'ai sɛvɛ ai josokun nɔ. Ǹ kɛtɔ ai Tii Ala le le, ai do kɛtɔ ǹa mɔɔlu le le.

Jude 1:15

ka adamaden bɛ ya kiti tɛɛ k'ai latɔn. A do kɛtɔ Alaɲasiyanɲɛbali bɛ jobaliyala ka bɛn aiya Alaɲasiyanɲɛbaliya kolu le ma, ani ka bɛn kuma yon minu fɔnin a kanma julumbutɔlu bolo minu tɛ siyanna Ala ɲa.»