Luka 6:23 - Ala Ya Salatikan Kula Kitabu

²³ Wo vɛ kɛla lon min, ài y'ài gban sawa boloma, kamasɔlɔn ài kɛtɔ balayi ba le sɔlɔnna haijɛnɛ. Kamasɔlɔn mɔɔ minu yi koyon wo suu kɛla ài la, wolu bemanu na wo ɲɔɔzii le kɛla kelalu la.

Luka 6:23 ပူးပေါင်းရင်းမြစ်များ

Matiyu 5:12

Ài kɔnɔlɔ yi diya bubale, kamasɔlɔn ài kɛtɔ balayi ba le sɔlɔnna haijɛnɛ, kamasɔlɔn ai ka kela kɔlɔkɔlɔlu jangata ten ne.»

Luka 1:41

Elizabɛti ka Mɔyamu ya folikan mɛn mingɛ, a den v'i lamaamaala telemanin a kɔnɔlɔ. Nii Sɛnɛyanin ka Elizabɛti josokun lafa,

Luka 1:44

Ǹ n'iya folikan mɛnna mingɛ, ǹ den n'i lamaamaala ǹ kɔnɔlɔ sawa boloma.

Luka 6:35

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Kɛkolu 14:10

Wo lɔ, Pɔli k'a kan labɔ, a vɛɛ: «I wuli, i lɔ i sen na!» A do k'i gban k'i lɔ ka taama damina.

Kɛkolu 3:8

A do v'i gbanna k'i lɔ a sen na ka taama damina. Wo kɛ, a ka don lɔhɔlɔmabonba luu kɔnɔ Piyɛli ni Yohana fɛ, a vɛ taamana ka to a gbanna ka kɛ Ala tanule.

Kɛkolu 5:41

Wo kɛ, keladennu ka bɔ kititɛɛjama ɲakɔlɔ sawa le, kamasɔlɔn ai lafeyako ka bɛn Isa tɔɔ ma, ailu ni wo le kaannin.

Lɔmukalu 5:3

K'a dɔ la wo kɔkan, m'i sawala hali maa tɔlɔyalu lɔ, kamasɔlɔn mɔ k'a lɔn ko tɔlɔya yi nala sawali le le.

2 Kolɛntikalu 12:10

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

Kɔlɔsikalu 1:24

Wo lɔ saa, ǹ kɔnɔlɔdiyayine ka bɛn ǹa tɔlɔyalu ma àiya ko lɔ, kamasɔlɔn Masa Tɔɔmasenin ya tɔlɔya tɔ min tonin, ǹ'i wo le dafala ǹ falikolo lɔ limaniyajama yɛ, min kɛnin a falikolo le.

2 Timote 2:12

Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

Hebululu 11:26

A k'a ye ko ka Masa Tɔɔmasenin ya lafeyali suu masɔlɔn, wo nafa buɲayine ka timin Misilan nafolo bɛ la, kamasɔlɔn a ɲa tɛɛ balayi natɔ le la.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Janguba 1:2

M̀ badenmalu, ni tɔlɔya suu suu k'ài masɔlɔn, ài yi wo bɛ jate kɔnɔlɔdiyako le.

1 Piyɛli 4:13

Mafɔ, ài y'ài kɔnɔlɔdiya, kamasɔlɔn ài vɛ ài ta sɔlɔn Masa Tɔɔmasenin ya tɔlɔya lɔ, fɔsa ài kɔnɔlɔ yi diya kɔtunun bɛlɛbɛlɛ kɛ aa magbiliyali la vɛ nkɛnɛmayala lon min na.

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 2:26

Ni mɔɔ min ka see sɔlɔn, ka ǹ sawonankolu kɛ ka taa se a laban na, wo vɛ kɛla, ǹ kɛtɔ kuntiiya dila wo tii le ma dunuɲa sibolomalu kunna,

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.

Ko Lankɛnɛmayanin 3:12

Ni mɔɔ min ka see sɔlɔn, ǹ kɛtɔ wo tii kɛla baima le le ǹ Tii Ala ya lɔhɔlɔmabonba kɔnɔ. A do tɛnala bɔla je tuun. Ǹ kɛtɔ ǹ Tii Ala tɔɔ sɛvɛla wo tii ma, ani ǹ Tii Ala ya so tɔɔ, min kɛnin Jelusalɛmu kula le, min jiitɔ ka bɔ ǹ Tii Ala fɛlɔ haijɛnɛ. Ado ǹ kɛtɔ ǹe gbu tɔɔ kula sɛvɛla a ma fana.

Ko Lankɛnɛmayanin 3:5

Ni mɔɔ min ka see sɔlɔn, wo tii fana kɛtɔ faani gbɛ bilala a kanna iwo dɔ wolu, ado ǹ tɛnala a tɔɔ bɔla niimaya kitabu kɔnɔ tuun, mafɔ k'a tɔɔ fɔ ǹ Fa ni aa mɛlɛkalu ɲakɔlɔ.