Luka 6:20 - Ala Ya Salatikan Kula Kitabu

²⁰ Isa k'i ɲa kaa a kɔbiladennu lɔ k'a fɔ ai yɛ, a vɛɛ: «Duwawuden ne àilu fandannilu le, kamasɔlɔn ài fɛ yi Ala ya masaya la.

Luka 6:20 ပူးပေါင်းရင်းမြစ်များ

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Matiyu 5:1

Isa ka jama ye mingɛ, a ka jɛlɛ tini kɔkan k'i sii. A kɔbiladennu k'i madon a la.

Luka 12:32

Isa vɛɛ a kɔbiladennu yɛ: «Ǹa saa kulu dana, ài kà siyan, kamasɔlɔn a diyanin ài Fa Ala yɛ ka masaya di ài ma.

Luka 13:28

«Ài kasitɔ k'ài ɲii sii i ɲɔɔ na dimin bolo, ài vɛ Ibulahima ni Isiyaka ni Janguba ani kela tɔ bɛ yena Ala ya masaya lɔ, k'a talan àilu la vɛ fili banama!

Luka 14:15

Mɔɔ dɔ tɛɛ siinin Isa dafɛ dɔnnikɛya lɔ, wo ka kuma min mɛn mingɛ, a k'a fɔ Isa yɛ, a vɛɛ: «Mɔɔ minu kɛtɔ feetikɛya lɔ Ala ya masaya lɔ, wolu yi duwawuden ne le.»

Luka 16:25

Kɛɛ Nabi Ibulahima do vɛɛ a yɛ: ‹Ǹ den, i yi mili, i na kaila siyama sɔlɔnna k'a dafa iya dunuɲalɔtɛɛ lɔ, k'a talan Lazali do na aa dunuɲalɔtɛɛ kɛla tɔlɔya le lɔ. Kɛɛ bi, a vɛ josolajii sɔlɔn, k'a talan ile do yi jangata le lɔ.

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Kɛkolu 14:22

Ai tɛɛ Isa kɔbiladennu sɛmɛdonna so wolu la, k'ai kawani ko ai y'ai lɔja ka to limaniya siya kɔkan kudein, ai vɛɛ: «Jani m'i don Ala ya masaya lɔ, fɔ m'i tɔlɔya siyama masɔlɔn bene.»

2 Kolɛntikalu 6:10

Ai do yi mɔ yena mɔɔ maɲumanin ne le, k'a talan mɔ sawanin kudein. Ai yi mɔ yena bolokolon ne le, k'a talan m'i mɔɔ siyama labanayala. A ai kɔnɔ ko foi tɛ mɔ bolo, k'a talan fen bɛ yi mɔ ta le le.

2 Kolɛntikalu 8:2

Tɔlɔya siyama tɛɛ ai kan ai lɔsumanko lɔ, kɛɛ ka bɛn aiya sawa dafanin ma, ailu ni aiya fandanya bɛ, ai k'ai bolo fɔlin kosɛvɛ dɔlu madɛmɛnko lɔ.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

1 Tɛsalonikakalu 1:6

Ài n'ài sumala mɔ taamaɲa le ma ani mɔ Tii Isa taamaɲa, kamasɔlɔn ài n'ài bolo siila Samakan Kein kɔlɔ sawa bolo le ma, sawa min bɔnin Nii Sɛnɛyanin fɛ, hali ài bannin ka kɛ tɔlɔya siyama masɔlɔnna.

2 Tɛsalonikakalu 1:5

Ado Ala kɛtɔ jangata wo kɛla sabu le ka aa kiti telennin lagbɛ, fɔsa ài yi kɛ mɔɔlu le minu ni aa masaya donko lɔkaannin, ài yi tɔlɔya masɔlɔnna ka bɛn min ma.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

Ko Lankɛnɛmayanin 2:9

« ‹Ǹ k'iya tɔlɔyalu lɔn ani iya fandanya, k'a talan bana le i le jɔ! Ǹe do k'a lɔn ne ko mɔɔlu i tɔɔ tiɲala teme, ailu minu y'a fɔla ai jɛlɛ ma ko Jahudiya, k'a talan ai tɛ wo le, mafɔ Soitana kɔbiladennu.