Luka 6:13 - Ala Ya Salatikan Kula Kitabu

¹³ Kɛnɛ bɔnin, a k'a kɔbiladennu kili ka mɔɔ tan ni fila (12) ta ai lɔ k'a fɔ ai ma ko keladennu:

Luka 6:13 ပူးပေါင်းရင်းမြစ်များ

Matiyu 10:2

Keladen mɔɔ tan ni fila (12) wolu tɔɔ le ne: a kunfɔlɔ Simɔn (ai y'a fɔla min ma ko Piyɛli), ani a dɔɔni Andele, ani Zebede denkɛ Janguba ni a dɔɔni Yohana,

Matiyu 19:28

Isa vɛɛ a yɛ: «Ǹ'i tuɲa fɔ i yɛ, dunuɲa vɛ kɛla a kula le, Mɔɔnivin Tanin siitɔ aa masayasiifen nɔɔlɔnin nɔ. Àilu minu bilanin ǹ kɔ, àilu fana siitɔ masayasiifen tan ni fila (12) lɔ ka Bani Isilankalu ya kabila tan ni fila (12) ya kiti tɛɛ.

Matiyu 9:36

A ka jama ye mingɛ, ai hena k'a mina, kamasɔlɔn ai ma tɛɛ vɛ gbolo k'ai fanga ban, iwo saa minu bilanin ai jɛlɛ ma, saakunnasiiba tɛ minu la.

Malɛkɛ 6:30

Isa ya keladennu seikɔnin a fɛlɔ, ai k'ai kɛkolu bɛ dandɛɛli kɛ a yɛ, ani ai tɛɛ vɛ mɔɔlu kalan teme.

Malɛkɛ 6:7

A do ka aa keladen mɔɔ tan ni fila (12) kili, ka seetiiya di ai ma fɔsa ai yi se jinajuulu gbɛnna mɔɔlu lɔ, ka ban ka aa keladennu lataa fila fila le.

Luka 11:49

Wo le n'a kɛla, Ala n'a fɔla aa hangilimaya lɔ, a vɛɛ: ‹Ǹ kɛtɔ kela ni keladennu lataala ai ma. Ai do kɛtɔ a dɔlu faala k'a dɔlu jangata.›

Luka 22:30

fɔsa ài yi dɔnni kɛ ani k'ài min ǹ fɛ ǹa masaya lɔ, ani k'ài sii masayasiifennu lɔ ka Bani Isilankalu ya kabila tan ni fila (12) ya kiti tɛɛ.»

Luka 6:14

Simɔn, Isa ka min tɔɔla ko Piyɛli, ani a dɔɔni Andele, Janguba ni Yohana, Filipe ni Batolomu,

Yohana 4:33

Wo fɔ Isa bolo, a kɔbiladennu v'i ɲɔɔ maɲiningala, ai vɛɛ: «Jalasa mɔɔ dɔ le nanin dɔnnifen ne a fɛ?»

Kɛkolu 1:13

Ai donnin so kɔnɔ, ai ka taa sangaso sanmabon na, ai jiyanin tɛɛ tɛɛminja. Ai tɔɔlu le ne: Piyɛli, Yohana, Janguba, Andele, Filipe, Tomasi, Batolomu, Matiyu, Alife denkɛ Janguba, Fasokanuba Simɔn, ani Janguba denkɛ Judasi.

Ɛfɛsikalu 2:20

Ala k'ài lɔ k'ài kɛ bon ne min jusiinin keladennu ni kelalu kɔkan, ado Masa Tɔɔmasenin Isa gbu le yi bon wo tungun kawakulun ne.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

2 Piyɛli 3:2

ani ài kana ɲina kelayakumalu lɔ minu fɔnin lɔhɔlɔma kelalu bolo kɔlɔkɔlɔ le, ani mɔ Tii ni mɔ Lakisiba ya jamali min fɔnin ài yɛ keladennu bolo.

Ko Lankɛnɛmayanin 12:1

Wo kɔ, tɔɔmase makawanin dɔ ka bɔ gbɛ la sangbolo lɔ. Ǹ ka moso dɔ ye, min masilinin tɛɛ tele le. Kalo tɛɛ a sen kɔlɔ, ani loloni tan ni fila tɛɛ a kunma iwo masayafula.

Ko Lankɛnɛmayanin 18:20

Wo lɔ, àilu haijɛnɛdennu ni mumininnu ni keladennu ni kelalu, ài yi sawa ka bɛn a labenko ma, kamasɔlɔn Ala vɛ aa kiti tɛɛ ka bɛn koyonnu ma, a na minu kɛla ài la.»

Ko Lankɛnɛmayanin 21:14

Jiin min tɛɛ so laminin nɔ, wo lɔnin tɛɛ jiin jusii kawa tan ni fila le kɔkan, Saa Bolan ya keladen mɔɔ tan ni fila tɔɔlu sɛvɛnin tɛɛ minu ma.