Luka 5:30 - Ala Ya Salatikan Kula Kitabu

³⁰ Kɛɛ Falisilu ni seliya kalanmɔɔlu tɛɛ dakɔlɔkuma fɔla Isa kɔbiladennu yɛ, ai vɛɛ: «Mindɛ lɔ ài yi dɔnni kɛla k'i min niisɔɔnminabalu ni julumbutɔlu fɛ?»

Luka 5:30 ပူးပေါင်းရင်းမြစ်များ

Matiyu 5:46

Niwotɛ, ni ài k'ài niilu kanu dein, ài kɛtɔ balayi mindɛ le sɔlɔnna wo lɔ? Hali niisɔɔnminabalu gbu yi wo ɲɔɔzii kɛla.

Matiyu 9:11

Wo ye Falisilu bolo, ai k'a fɔ Isa kɔbiladennu yɛ, ai vɛɛ: «Mindɛ lɔ àiya kalanmɔɔ yi dɔnni kɛla niisɔɔnminabalu ni julumbutɔlu fɛ?»

Malɛkɛ 2:16

Seliya kalanmɔɔlu minu tɛɛ Falisilu le, wolu k'a ye mingɛ ko Isa ni a kɔbiladennu yi dɔnni kɛla niisɔɔnminaba ni julumbutɔlu fɛ, ai k'a fɔ a kɔbiladennu yɛ, ai vɛɛ: «Mindɛ lɔ àiya kalanmɔɔ yi dɔnni kɛla niisɔɔnminaba ni julumbutɔlu fɛ?»

Malɛkɛ 7:3

(Kamasɔlɔn Falisilu ni Jahudiya tɔlu tɛ dɔnni kɛla ni ai ma ai bolo lasɛnɛya kunfɔlɔ le ka bɛn ai bemanu ya laana ma.

Malɛkɛ 9:16

Isa k'a kɔbiladennu maɲininga, a vɛɛ: «Àilu ni minu i ɲɔɔ sɔsɔla ka bɛn mindɛ ma?»

Luka 18:11

Falisi kɛ́ k'i lɔ a ta fan, a vɛ Ala madalila, a vɛɛ: ‹Ala, ǹ'i balika bɔla i yɛ kamasɔlɔn ǹe tɛ iwo mɔɔ dɔlu, minu yi gbanayakolu kɛla ani ka telenbaliyakolu kɛ, ani ka jalonya kɛ, ǹe do kɛnin tɛ iwo niisɔɔnminaba min ve.

Luka 19:7

Wo ye mɔɔlu bolo, ai bɛ vɛ Isa mafɔla, ai vɛɛ: «A diɲanin ka julumbutɔ kɛ a jetii le.»

Luka 5:17

Lon dɔ, Isa ka to mɔɔlu kalanna, Falisi dɔlu ni seliya kalanmɔɔ dɔlu siinin tɛɛ je, minu tɛɛ vɛ bɔ Galile ni Jude koovi solu bɛ la, ani Jelusalɛmu fana. Ado mɔ Tii ya seetiiya tɛɛ Isa fɛ mɔɔlakɛnɛyako lɔ.

Luka 5:21

Seliya kalanmɔɔlu ni Falisilu v'a fɔla ai miliya lɔ, ai vɛɛ: «Mɔɔ suu mindɛ le min ne, min yi Alalafeyakan fɔla tan? Jene yi se julumbulu lɔkotola ni Ala tɛ?»

Luka 7:34

Mɔɔnivin Tanin fana vɛ na. Ale do yi dɔnni kɛla k'i min. Wo le y'a kɛla, ài y'a fɔla ko nooma ni gbɛtɔ le a le. Ko a yi niisɔɔnminabalu ni julumbutɔlu le kɛla a tɔva le.

Luka 7:39

Falisi kɛ́ min ka Isa kili je, wo ka wo ye k'a fɔ a kɔnɔ, a vɛɛ: «Ni kɛ́ min tɛɛ kɛ kela bɛlɛbɛlɛ le, a tɛɛ moso min suu lɔnne min y'a bolo tuula a la yi ne, kamasɔlɔn julumbutɔ le.»

Kɛkolu 23:9

Wo ka kɛ sɔɔnsɔɔn ba le. Seliya kalanmɔɔ minu tɛɛ Falisilu tɛma, wo dɔlu v'i wulila ka sɔsɔyali kɛ kosɛvɛ, ai vɛɛ: «Mɔ ma koyon foi ye kɛ́ min na. Tumadɔ nii niwotɛ mɛlɛka dɔ le na kumala a fɛ.»