Luka 5:26 - Ala Ya Salatikan Kula Kitabu

²⁶ Mɔɔ bɛ ka kawakoya bubale. Ai do tɛɛ Ala tanula siyan boloma, ai vɛɛ: «Mɔ na ko makawanilu yena bi!»

Luka 5:26 ပူးပေါင်းရင်းမြစ်များ

Matiyu 12:23

Mɔɔ bɛ ka kawakoya, ai vɛɛ: «Ai y'a fɔla mɔɔ min ma ko Dawuda Bɔzɔn, ale le min ne?»

Matiyu 28:8

Wo lɔ, mosolu vɛ bɔla kabulu dala telemanin. Ai tɛɛ siyanna, kɛɛ sawa ba tɛɛ ai josokun nɔ. Ai do ka bɔli ka taa wo lase Isa kɔbiladennu ma.

Matiyu 9:8

Jama ka wo ye mingɛ, ai ka siyan. Ai do ka Ala tanu, kamasɔlɔn ale le na seetiiya min suu dila adamadennu ma.

Malɛkɛ 2:12

Kɛ́ do v'i wulila telemanin ka aa dɛvɛ ta ka taa aa bon na mɔɔ bɛ ɲakɔlɔ. Ai bɛ ka kawakoya ka Ala tanu, ai vɛɛ: «Mɔ ma min ɲɔɔzii ye ba bene feu!»

Luka 1:65

Ai siiɲɔɔlu bɛ ka siyan bubale, ado ko wolu vɛ jɛzɛnna Jude tinima fan bɛ lɔ.

Luka 5:8

Simɔn Piyɛli ka wo ye mingɛ, a v'i mabilinna Isa sen kɔlɔ k'a fɔ a yɛ, a vɛɛ: «Ǹ Kuntii, i i majaanya ǹ na, kamasɔlɔn julumbutɔ le ǹ ne.»

Luka 7:16

Mɔɔ bɛ ka siyan wo lɔ ka Ala tanu, ai vɛɛ: «Kela ba dɔ v'i wuli mɔ tɛma!» Ai do vɛɛ kɔtunun: «Ala vɛ na bɔ aa mɔɔlu ma!»

Luka 8:37

Gelasekalu bɛ ka siyan bubale, ka Isa madiya ko a yi bɔ aiya duu lɔ. Wo lɔ, Isa ni a kɔbiladennu ka don kulun kɔnɔ ko ai yi seikɔ.

Kɛkolu 4:21

Wo lɔ, kititɛɛjama k'a dɔ la aiya masiyannikan kɔkan, ka ban k'ai bila. Ai ma ɲa sɔlɔn ka kolatɔn kɛ ai la, kamasɔlɔn mɔɔ bɛ tɛɛ Ala tanula ka bɛn ko min kɛnin.

Galatiyakalu 1:24

Ai do ka Ala tanu ka bɛn ǹa ko ma.