Luka 5:17 - Ala Ya Salatikan Kula Kitabu

¹⁷ Lon dɔ, Isa ka to mɔɔlu kalanna, Falisi dɔlu ni seliya kalanmɔɔ dɔlu siinin tɛɛ je, minu tɛɛ vɛ bɔ Galile ni Jude koovi solu bɛ la, ani Jelusalɛmu fana. Ado mɔ Tii ya seetiiya tɛɛ Isa fɛ mɔɔlakɛnɛyako lɔ.

Luka 5:17 ပူးပေါင်းရင်းမြစ်များ

Matiyu 11:5

Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.

Matiyu 15:1

Wo kɔ, Falisi ni seliya kalanmɔɔ dɔlu ka bɔ Jelusalɛmu ka na Isa ma k'a maɲininga,

Malɛkɛ 1:45

Kɛɛ kɛ́ bɔ je telemanin, a ka wo ko lajɛzɛn damina fan bɛ lɔ. Wo le k'a kɛ, Isa ma se donna so suu suu kɔnɔ gbɛ la butu, mafɔ ka to dingila lɔkolonnu lɔ. Wo bɛ n'a kɛ, mɔɔlu tɛɛ bɔla fan bɛ lɔ ka taa a kɔ.

Malɛkɛ 16:18

Ai kɛtɔ sa ɲɛnɛmalu minala ai bolo la. Ni ai do ka jeemun suu suu min, foi tɛnala kɛla ai la. Ni ai k'ai bolo la jangalobatɔ min kɔkan, wo tii yi kɛnɛyale.»

Malɛkɛ 3:22

Seliya kalanmɔɔ minu bɔnin Jelusalɛmu ka na, wolu tɛɛ a fɔla, ai vɛɛ: «Biyɛzɛbɔ le y'a kɔ! Jinalu ya kuntiiba le na see dila a ma, fɔsa a yi jinalu gbɛn k'ai bɔ mɔɔlu lɔ.»

Malɛkɛ 5:30

Isa do k'a lɔn a jɛlɛ ma telemanin ko fanga dɔ vɛ bɔ a lɔ. Wo lɔ, a ka to jama tɛma k'a ɲa tilimin a kɔma. A do vɛɛ: «Jene n'a bolo tuula ǹa faani la?»

Malɛkɛ 7:1

Falisi dɔlu ni seliya kalanmɔɔ dɔlu ka bɔ mingɛ Jelusalɛmu ka na ai ladɛn Isa dafɛ,

Luka 15:2

Wo lɔ, Falisilu ni seliya kalanmɔɔlu vɛ kunnɔkumala a ma, ai vɛɛ: «Kɛ́ min y'a bolo siila julumbutɔlu kɔlɔ, ani ka dɔnni kɛ ai fɛ.»

Luka 2:46

A tele sawana lon, ai ka Isa talan lɔhɔlɔmabonba luu kɔnɔ, a siinin vɛ kalanmɔɔlu tɛma. A tolomalɔnin tɛɛ ai la, ani a vɛ ai maɲiningala.

Luka 5:21

Seliya kalanmɔɔlu ni Falisilu v'a fɔla ai miliya lɔ, ai vɛɛ: «Mɔɔ suu mindɛ le min ne, min yi Alalafeyakan fɔla tan? Jene yi se julumbulu lɔkotola ni Ala tɛ?»

Luka 5:30

Kɛɛ Falisilu ni seliya kalanmɔɔlu tɛɛ dakɔlɔkuma fɔla Isa kɔbiladennu yɛ, ai vɛɛ: «Mindɛ lɔ ài yi dɔnni kɛla k'i min niisɔɔnminabalu ni julumbutɔlu fɛ?»

Luka 6:19

Jama bɛ t'i lɔjala k'ai bolo tuu Isa la, kamasɔlɔn fanga tɛɛ bɔla a lɔ ka jangalotɔ bɛ lakɛnɛya.

Luka 7:30

Kɛɛ do, Falisilu ni seliya kalanmɔɔlu k'i ban Ala ya kolatɛɛnin ma ka bɛn ai ma, kamasɔlɔn ai k'i ban ai makoko ma Yaya bolo.)

Luka 8:46

Kɛɛ Isa do vɛɛ a yɛ: «Mɔɔ dɔ na tuula ǹ na, kamasɔlɔn ǹ k'a lɔn fanga dɔ vɛ bɔ ǹ nɔ.»

Yohana 3:10

Isa k'a javi, a vɛɛ: «Ile min yi Bani Isilankalu ya kalanmɔɔ ba le, i ma ko minu lɔn?

Yohana 3:21

Kɛɛ mɔɔ min do yi taamana tuɲandeya lɔ, wo tii yi diɲale ka na kɛnɛya lɔ, fɔsa a la yi gbɛ ko a a kɛkolu kɛla Ala ya kafonɲɔɔya le lɔ.»

Kɛkolu 19:11

Ado Ala tɛɛ kawananko ba siyama kɛla Pɔli fɛ.

Kɛkolu 4:30

I iya foniseleya jiya fɔsa m'i mɔɔlu lakɛnɛya, ani ka tɔɔmase ni kawanankolu kɛ iya bɔiden sɛnɛyanin Isa tɔɔ lɔ.»

Kɛkolu 5:34

Kɛɛ Falisi kɛ́ dɔ tɛɛ je, min tɔɔ tɛɛ ko Gamaliyɛli. Seliya kalanmɔɔ le tɛɛ a le, mɔɔ bɛ tɛɛ min buɲala. A k'i lɔ jama tɛma k'ai lɔ keladennu labɔla banama waateni kɔlɔ.