Luka 5:14 - Ala Ya Salatikan Kula Kitabu

¹⁴ Isa do k'a jamali, a vɛɛ: «I kà min ko fɔ mɔɔ suu suu yɛ. Kɛɛ fɔ i yi taa i jɛlɛ jiya salakalaseba la, ka niilifen bɔ iwo Nabi Musa k'a jamali teme. Wo le kɛtɔ a jiyala bɛ la ko i la vɛ sɛnɛya.»

Luka 5:14 ပူးပေါင်းရင်းမြစ်များ

Matiyu 10:18

ani k'ài lalɔ jamanatiilu ni masakɛlu ɲakɔlɔ ka bɛn ǹa ko ma. Àilu gbu le kɛtɔ ǹe masele le wo lɔ, ka ǹa ko fɔ wolu yɛ ani siboloma gbɛlɛlu.

Matiyu 12:16

A k'a fɔ ai yɛ k'a magbeleya ko ai kà a mangan lajɛzɛn.

Matiyu 8:4

Isa do vɛɛ a yɛ: «I y'alama, i kà min fɔ mɔɔ suu suu yɛ. Kɛɛ fɔ yi taa i jɛlɛ jiya salakalaseba la ka niilifen bɔ iwo Nabi Musa k'a jamali teme. Wo le kɛtɔ a jiyala bɛ la ko i la vɛ sɛnɛya.»

Matiyu 9:30

Wo kɛ, ai ɲa la ka ka. Isa k'a fɔ ai yɛ k'a magbeleya, a vɛɛ: «Ài kà ko min fɔ mɔɔ suu suu yɛ.»

Malɛkɛ 6:11

Ni mɔɔlu k'i ban ài lɔminala tɛɛ o tɛɛ lɔ ani k'i ban ai tolomalɔla ài la, wo vɛ kɛla, ài yi bɔ je ka je gbangban bɔ ài sen ma, ka wo kɛ ai ban tɔɔmase le.»

Luka 17:14

Isa k'ai ye mingɛ, a vɛɛ ai yɛ: «Ài yi taa ài jɛlɛ jiya salakalasebalu la.» Ai taatɔla, ai bɛ la ka sɛnɛya.

Luka 5:13

Isa k'a bolo lɔsama k'a tuu a la k'a fɔ a yɛ, a vɛɛ: «M̀'ɛ diɲa, i la yi sɛnɛya.» Wo fɔ Isa bolo, kɛ́ ya kuna ka basi telemanin.

Luka 9:5

Ni do ai k'i ban ài lɔminala tɛɛ o tɛɛ lɔ, ài yi bɔ so wo la ka je gbangban bɔ ài sen ma, ka wo kɛ ai ban tɔɔmase le.»