Luka 3:11 - Ala Ya Salatikan Kula Kitabu

¹¹ Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»

Luka 3:11 ပူးပေါင်းရင်းမြစ်များ

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Luka 11:41

Kɛɛ fɔ ài y'ài josokun lɔgbɛnin di fandannilu ma. Wo vɛ kɛla, àiya ko bɛ yi sɛnɛyale.

Luka 18:22

Isa ka wo mɛn k'a fɔ a yɛ, a vɛɛ: «I dɛsɛnin ko kelen na bene. Taa i bolofen bɛ fele k'a wɔli lɔtala bolokolonnu wotɛ. Wo vɛ kɛla, nafolo kɛtɔ i bolo haijɛnɛ. Wo kɔ, i yi na, i yi bila ǹ kɔ.»

Luka 19:8

Kɛɛ Zakiya k'i lɔ k'a fɔ mɔ Kuntii yɛ, a vɛɛ: «Ǹ Kuntii, i tolomalɔ! Ǹ'i m̀ bolofennu lɔtalala k'a fan kelen di bolokolonnu ma. Ni a k'a talan ǹ na mɔɔ dɔ tɔɲɔla k'a bolofen mina a la, ǹ kɛtɔ wo ɲɔɔzii naani laseila wo tii ma.»

Yohana 13:29

Komi wɔlibilabɔlɔ tɛɛ Judasi le bolo, a tɛɛ a dɔlu kɔnɔ ko Isa n'a lɔla fen dɔ le sanko lɔ selibɔko lɔ, niwotɛ bolokolonnu sɔko.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:31

A vɛɛ: ‹Kɔɔnɛli, Ala v'iya madailikan mɛn, k'a hangili to iya koɲuma kɛninnu lɔ fandannilu yɛ.

Kɛkolu 10:4

A do k'i ɲa kaa mɛlɛka lɔ siyan boloma k'a javi, a vɛɛ: «Ǹ Kuntii, mindɛ le?» Mɛlɛka do vɛɛ a yɛ: «Iya Aladali ni iya koɲuma kɛninnu fandannilu yɛ, wolu vɛ jɛlɛ Ala ɲakɔlɔ iwo hangilitonɔ salaka.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

1 Timote 6:18

A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

Hebululu 6:10

Ala tɛ telenbali le k'a fɔ ko a yi jɔ àiya baale ni àiya kanundeya ma, ài na min jiyala ka bɛn a tɔɔ ma ka mumininnu makolu laɲia, iwo ài deinin a kɛla teme hali bi.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

Janguba 2:14

M̀ badenmalu, nafa mindɛ yi wo la ni mɔɔ dɔ k'a fɔ ko limaniya y'a bolo, k'a talan a tɛ kɛko ɲuma kɛla? Jalasa limaniya wo suu yi sene a lakisila?

1 Yohana 3:17

Ni dunuɲa nafololu ka kɛ mɔɔ min bolo, ni wo tii k'a badenma gbalanin ye k'i ban henala a la, wo vɛ kɛla, wo tii yi se a fɔla di ko Ala ya kanundeya y'a josokun nɔ?

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.