Luka 24:52 - Ala Ya Salatikan Kula Kitabu

⁵² Ai do ka a bato ka ban ka seikɔ Jelusalɛmu sawa boloma.

Luka 24:52 ပူးပေါင်းရင်းမြစ်များ

Matiyu 28:17

Ai ka Isa ye mingɛ, ai v'a batola, kɛɛ a dɔlu ka sika.

Matiyu 28:9

Ai taatɔla, Isa k'ai kunkɔlɔbɛn siya la k'a fɔ ai yɛ, a vɛɛ: «Ài ni sɔɔma!» Ai k'i madon a la k'a sen mina a batoko lɔ.

Luka 24:51

A ka to duwawu kɛla ai yɛ, a kɔlɔ ka ta ka bɔ ai tɛma ka jɛlɛ sangbolo lɔ.

Luka 24:53

Ai do tɛɛ taala lɔhɔlɔmabonba la ka Ala tanu waate bɛ.

Yohana 14:28

Ài vɛ ǹ kan mɛn, ǹ ko ǹ taatɔle, ani ǹ kɛtɔ seikɔla ài ma. Ni ài tɛɛ vɛ ǹ kanula, ài tɛɛ sawale ǹ taako lɔ ǹ Fa fɛlɔ, kamasɔlɔn ǹ Fa buɲanin vɛ ǹ ne.

Yohana 16:22

Àilu fana yi ten ne: Ài niila vɛ fin butu, kɛɛ ǹ kɛtɔ ài yena kɔtunun. Wo vɛ kɛla, ài kɔnɔlɔ yi diyale, ado mɔɔ foi tɛnala sena kɔnɔlɔdiya wo bɔla ài bolo.

Yohana 16:7

Wo bɛ n'a kɛ, ǹ'i tuɲa fɔ ài yɛ, ǹ taako le fisayanin ài ma, kamasɔlɔn ni m̀ ma taa, Dɛmɛliba tɛnala nala ài ma. Kɛɛ m̀'ɛ taala, ǹ kɛtɔ Dɛmɛliba lanala ài ma.

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Kɛkolu 1:12

Wo kɛnin, keladennu ka jii tini la ka seikɔ Jelusalɛmu. Ai y'a fɔla tini min ma ko Zeituna tini. Wo ni Jelusalɛmu wotɛ yi kilo kelen jate bɔle.

1 Piyɛli 1:8

Ài ma Isa ye ba bene, kɛɛ ài y'a kanula. Ài do ɲa t'a la yi ne, kɛɛ ài limaniyanin a ma. Wo ma, àiya kɔnɔlɔdiya magbiliyaɲa jate ɲa tɛ se fɔla,