Luka 24:44 - Ala Ya Salatikan Kula Kitabu

⁴⁴ Wo kɔ, a vɛɛ ai yɛ: «Ǹ tɛɛ ko minu le fɔla ài yɛ mɔ tɛɛ i ɲɔɔ fɛ waate min nɔ, ǹ ko, kuma minu bɛ sɛvɛnin ka bɛn m̀ ma Nabi Musa ya Taulati ni Zabuli lɔ, ani kela dɔgbɛlɛlu ya kitabulu lɔ, fɔ wolu bɛ ma yi fa.»

Luka 24:44 ပူးပေါင်းရင်းမြစ်များ

Matiyu 1:22

Wo bɛ ka kɛ fɔsa mɔ Tii ya kuma min fɔnin kela bolo, wo ma yi fa teme, ko:

Matiyu 16:21

Ka ta waate wo ma, Isa tɛɛ a fɔla a kɔbiladennu yɛ k'a lagbɛ, ko a ka kan ka taa Jelusalɛmu ka tɔlɔya siyama masɔlɔn kɛmɔbalu ni salakalase kuntiibalu ani seliya kalanmɔɔlu bolo. Ko a faatɔle, kɛɛ tele fila a sawana, a wulitɔle.

Matiyu 26:54

Kɛɛ wo vɛ kɛla, kitabu kɔnɔ kuma minu y'a jiyala ko a ka kan ka kɛ ten, wolu ma tɛɛ se fala di?»

Matiyu 26:56

Kɛɛ min bɛ kɛnin fɔsa kelalu na minu sɛvɛla kitabulu kɔnɔ, wolu ma yi fa teme.» Isa kɔbiladennu bɛ ka bɔli ka ale kelen to.

Malɛkɛ 9:31

kamasɔlɔn a tɛɛ a kɔbiladennu le kalanna. A do vɛɛ ai yɛ: «Mɔɔnivin Tanin yi don bolo le ma mɔɔlu bolo, minu kɛtɔ a faala. Kɛɛ tele fila a sawana, a wulitɔ ka bɔ saya lɔ.»

Luka 21:22

kamasɔlɔn Ala ya jangata lonnu le wolu le, fɔsa kuma minu bɛ sɛvɛnin kitabu kɔnɔ, wolu ma yi fa teme.

Luka 22:37

Kamasɔlɔn ǹ'a fɔ ài yɛ, ko min sɛvɛnin kitabu kɔnɔ ka bɛn m̀ ma, fɔ wo ma yi fa, ko: ‹Ai na a kɔndɛla koyonkɛbalu le tɛma.› Wo ma, wo mafa waate ma vɛ sulunya.»

Luka 24:46

A k'a fɔ ai yɛ kɔtunun, a vɛɛ: «A sɛvɛnin ten ne ko Masa Tɔɔmasenin kɛtɔ tɔlɔyala, kɛɛ a tele sawana lon, a wulitɔ ka bɔ saya lɔ,

Luka 9:22

A do vɛɛ: «Mɔɔnivin Tanin ka kan ka tɔlɔya siyama masɔlɔn. Kɛmɔbalu ni salakalase kuntiibalu ni seliya kalanmɔɔlu kɛtɔ ai banna a lɔ, k'a faa. Kɛɛ tele fila a sawana, a wulitɔ ka bɔ saya lɔ.»

Luka 9:44

«Ài y'ài tolomalɔ kobɛn ǹ kumakan na. Mɔɔnivin Tanin yi don bolo le ma mɔɔlu bolo.»

Yohana 3:14

Ado Nabi Musa na sa sawula lajɛlɛla kɔlɔman ma fuwa lɔ teme, fɔ Mɔɔnivin Tanin fana la yi jɛlɛ ten ne,

Yohana 5:39

Ài yi kitabulu mafɛlɛnna kosɛvɛ, kamasɔlɔn a ài kɔnɔ ko ài kɛtɔ niimaya banbali sɔlɔnna wolu le fɛ, k'a talan kitabu wolu gbu le yi seleya dila ka bɛn m̀ ma.

Yohana 5:46

Ni ài tɛɛ vɛ lala Nabi Musa la, ài tɛɛ lale ǹe fana la, kamasɔlɔn ale le na sɛvɛla ka bɛn m̀ ma aa Taulati lɔ.

Kɛkolu 13:33

a vɛ wo mafa ǹu ai bɔzɔnnu yɛ, kamasɔlɔn Ala na Isa lawulila ka bɔ saya lɔ, iwo a sɛvɛnin teme Zabuli sula filana lɔ, ko: ‹Ǹ denkɛ le i le, m̀'ɛ kɛ i fa le bi.›

Kɛkolu 13:40

Wo le y'a ma, ài y'alama, fɔsa ko min sɛvɛnin kelalu ya kitabu kɔnɔ, wo kana ài masɔlɔn, ko:

Kɛkolu 2:27

Kamasɔlɔn i tɛnala ǹ nii tola sulu tɛma, niwotɛ ka diɲa iya Mɔɔ Sɛnɛyanin fuleni yi tolin kabulu kɔnɔ.

Kɛkolu 3:18

Kɛɛ Ala na aa kuma mafala boloɲa min ne ma, min fɔnin kelalu bɛ bolo, ko aa Masa Tɔɔmasenin kɛtɔ tɔlɔya masɔlɔnna.

Kɛkolu 7:37

«Wo Musa kelen ne k'a fɔ Bani Isilankalu yɛ, a vɛɛ: ‹Ala kɛtɔ kela dɔ lanala ài ma ka bɔ ài badenmalu tɛma, iwo ǹe.›

Hebululu 10:1

Nabi Musa ya seliya kɛnin koɲuma natɔlu maduulen ne dein, kɛɛ a ma kɛ ai sawula bɛlɛbɛlɛ le. Wo le y'a ma, a tɛ se mɔɔlu ya ko dafala, minu y'ai madonna Ala la ka bɛn salaka suu kelen wolu ma, ai yi minu bɔla san o san.

Hebululu 3:5

Nabi Musa do ka kɛ lanande le aa baale bɛ lɔ Ala ya bon na iwo bɔiden, a vɛ seleya dila ka bɛn kolu ma minu fɔtɔ Ala bolo sinin.

Hebululu 7:1

Mɛlikizɛdɛki min tɛɛ Salɛmu so masa le, ani Masa Taala ya salakalaseba, wo le ka taa Nabi Ibulahima labɛn ka duwawu kɛ a yɛ, a seikɔ waate ka bɔ masakɛlu siyasaya lɔ.

Hebululu 9:8

Nii Sɛnɛyanin y'a lagbɛla ko minu fɛ, ko siya tɛɛ ma jiya ba ka don Lɔhɔlɔma Dingila Bɛlɛbɛlɛ kɔnɔ, damanda Lɔhɔlɔma Gbaa kunfɔlɔ tɛɛ lɔnin bene.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.