Luka 23:5 - Ala Ya Salatikan Kula Kitabu

⁵ Kɛɛ ai ka to a mabamala, ai vɛɛ: «A yi mɔɔlu lamulutula aa kalan ne Jude koovi fan bɛ lɔ. A na a daminala Galile ka na se haan fɔɔ jan.»

Luka 23:5 ပူးပေါင်းရင်းမြစ်များ

Matiyu 11:1

Isa wɔlinin jamali wolu dila aa keladen mɔɔ tan ni fila (12) ma, a ka bɔ je ka taa aiya solu la ka bɛn mɔɔlu kalanko ma, ani k'ai kawani.

Matiyu 2:1

Isa ka sɔlɔn Bɛtilɛhɛmu so kɔnɔ, Jude koovi lɔ, Helodi ya masaya waate lɔ. Isa sɔlɔn kɔ, lɔnnila dɔlu ka bɔ telebɔ jamana dɔ lɔ ka na Jelusalɛmu.

Matiyu 27:24

Pilati k'a ye mingɛ ko a kumakan tɛ foi ɲiala, ani jama tɛɛ mulutu bolo le ma, a ka ji ta k'a bolo lako jama ɲakɔlɔ. A do vɛɛ ai yɛ: «Ǹ sen tɛ kɛ́ min faako lɔ. Aa ko y'ài bolo.»

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Malɛkɛ 1:14

Yaya bila kɔ kaso la, Isa ka taa Galile koovi lɔ, a vɛ Ala ya Samakan Kein lasena.

Luka 11:53

Isa bɔtɔla je, seliya kalanmɔɔlu ni Falisilu v'a dakɔlɔbɔla ɲiningali suu bɛ dɔ le.

Luka 23:23

Kɛɛ ai k'a mabama ka to gbanɔla ko Isa yi gbaan kɔlɔman ma haan fɔɔ ai ka Pilati nɔ.

Luka 23:6

Pilati ka kuma wo mɛn mingɛ, a k'ai maɲininga, a vɛɛ: «Jalasa kɛ́ min yi Galileka le le?»

Yohana 1:43

Wo dusagbɛlon, Isa ka miliya ta ko a yi taa Galile koovi lɔ. A do ka Filipe ye k'a fɔ a yɛ, a vɛɛ: «Na, i yi bila ǹ kɔ.»

Yohana 19:15

Ai do vɛ gbanɔla, ai vɛɛ: «A faa! A faa! A gbaan kɔlɔman ma!» Pilati k'ai maɲininga, a vɛɛ: «Ǹ'àiya masakɛ gbaan kɔlɔman ma?» Salakalase kuntiibalu k'a javi, ai vɛɛ: «Masakɛ gbɛlɛ tɛ mɔ bolo ka bɔ Sezale kɔ.»

Yohana 2:11

Isa ka aa kawananko kunfɔlɔ min kɛ Kana so le kɔnɔ, Galile koovi lɔ, ka aa magbiliyali lankɛnɛmaya boloɲa min ma. A do kɔbiladennu ka limaniya a ma.

Yohana 7:41

A dɔgbɛlɛlu vɛɛ: «Masa Tɔɔmasenin ne a le le.» Kɛɛ a dɔlu vɛɛ: «Ɛnɛn, Masa Tɔɔmasenin kɛtɔ bɔla Galile di?

Yohana 7:52

Ai k'a javi, ai vɛɛ: «Ile fana yi Galileka le le? Ni i ka kitabulu kalan kobɛn, i kɛtɔ a yena ko kela foi tɛnala bɔla Galile.»

Kɛkolu 10:37

Ài do k'a lɔn ko minu na kɛla Jude fan bɛ lɔ, ka damina Galile, Yaya ya kawanili kɔ ka bɛn makoliko ma.

Kɛkolu 23:10

Sɔsɔyali ka kɛwonya haan fɔɔ sɔdasi kuntiiba ka siyan ko ai kana ai ben Pɔli kan k'a lɔfalafala. Wo lɔ, a ka jamali di aa sɔdasilu ma ko ai yi Pɔli labɔ jama tɛma fanga la, ka taa a le sɔdasilu ya bonba la.

Kɛkolu 5:33

Kititɛɛjama ka kuma wo mɛn mingɛ, ai josola ka kuna bubale. A do lɔɔ tɛɛ ai la k'ai faa.

Kɛkolu 7:54

Kititɛɛbalu ka kuma wolu mɛn mingɛ, ai ka mɔnɛ bubale k'ai ɲii sisa i ɲɔɔ na Etiyɛn kanma.

Kɛkolu 7:57

Wo fɔ Etiyɛn bolo, ai bɛ vɛ gbanɔla bakɛ, k'ai bolo bilin ai tololu la, k'ai kɛ a kan kelen ne.