Luka 22:42 - Ala Ya Salatikan Kula Kitabu

⁴² A do vɛɛ: «Ǹ Fa, ni i ka diɲa a ma, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Luka 22:42 ပူးပေါင်းရင်းမြစ်များ

Matiyu 11:25

Wo waate kelen nɔ, Isa k'a fɔ, a vɛɛ: «Ǹ Fa, sangbolo ni duukolo Tii, ǹ'i balika bɔla i yɛ, kamasɔlɔn i na ko minu doonna hangilima ni lɔnnilalu ma, i vɛ wolu jiya kalanbalilu la.

Matiyu 11:26

Tuɲa le ǹ Fa, min kɛko n'i diya le la.»

Matiyu 20:22

Kɛɛ Isa do vɛɛ ai yɛ: «Ài m'a lɔn ài min dalila ǹ na. Ǹe lamintɔ jiyafɛ min nɔ, ài yi sene ài minna wo lɔ?» Ai do k'a javi, ai vɛɛ: «Aan, m'i sene.»

Matiyu 26:39

A ka taa ɲafɛ dɔni ne k'a ten bilin duu ma. A do vɛ Ala dalila, a vɛɛ: «Ǹ Fa, ni a yi sene kɛla, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Matiyu 26:42

Isa ka bɔ ai fɛ a siɲa filana lɔ ka taa Ala dali kɔtunun, a vɛɛ: «Ǹ Fa, ni a ɲa gbɛlɛ tɛ je, fɔ ǹ'i m̀ min jiyafɛ min nɔ, wo vɛ kɛla, i sawo yi kɛ.»

Matiyu 26:44

Wo lɔ, Isa k'ai to je ka taa Ala dali a siɲa sawana lɔ boloɲa kelen wo ma.

Matiyu 6:10

Iya masaya la yi nkɛnɛmaya. I sawo yi kɛ duukolo kɔkan, iwo a yi kɛla teme haijɛnɛ.

Malɛkɛ 14:36

A vɛɛ: «Ǹ Fa, i yi sene ko bɛ la. I kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Luka 23:34

Isa do vɛɛ: «Ǹ Fa, i y'ai makoto, kamasɔlɔn ai m'a lɔn ai yi min kɛla.» Wo kɔ, sɔdasilu ka kalabila kɛ ka bɛn aa faanilu lɔtalako ma i ɲɔɔ wotɛ.

Yohana 18:11

Isa do vɛɛ Piyɛli yɛ: «I iya siyamifan don a ɲaa lɔ! Ǹ Fa na jiyafɛ min latɛɛla m̀ ma, ǹ'i m̀ ban m̀ minna wo lɔ?»

Yohana 4:34

Isa do vɛɛ ai yɛ: «Ǹ dɔnnifen yi min ne, wo le ka ǹ kelaba sawo kɛ ani ka aa baale dafa.

Yohana 5:30

«Ǹ tɛ se foi kɛla ǹ jɛlɛ ma. Ǹ'i min mɛnna, ǹ'i kiti tɛɛla ka bɛn wo le ma. Wo le y'a ma, ǹa kiti telenyine, kamasɔlɔn ǹ tɛ ǹe gbu sawonanko ɲaɲininna, mafɔ ǹ kelaba sawonanko.

Yohana 6:38

Kamasɔlɔn m̀ ma jii ka bɔ haijɛnɛ ǹe gbu sawo kɛko lɔ, mafɔ ǹ kelaba sawo.

Kɛkolu 21:14

Mɔ k'a ye mingɛ ko Pɔli tɛnala a miliya mafalinna, mɔ k'a to ten. Mɔ do vɛɛ: «Mɔ Tii sawo yi kɛ.»