Luka 22:41 - Ala Ya Salatikan Kula Kitabu

⁴¹ Wo fɔ, a k'i mataa ai la dɔɔni ka se kawa lafiliya kelen nɔ, k'i majii Aladaliko lɔ.

Luka 22:41 ပူးပေါင်းရင်းမြစ်များ

Matiyu 26:39

A ka taa ɲafɛ dɔni ne k'a ten bilin duu ma. A do vɛ Ala dalila, a vɛɛ: «Ǹ Fa, ni a yi sene kɛla, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Malɛkɛ 14:35

Wo kɛ, a ka taa ɲafɛ dɔni ne, k'a ten bilin duu ma. A vɛ Ala dalila ko ni a yi sene kɛla, tɔlɔya wo waate yi timin a kunna.

Luka 18:11

Falisi kɛ́ k'i lɔ a ta fan, a vɛ Ala madalila, a vɛɛ: ‹Ala, ǹ'i balika bɔla i yɛ kamasɔlɔn ǹe tɛ iwo mɔɔ dɔlu, minu yi gbanayakolu kɛla ani ka telenbaliyakolu kɛ, ani ka jalonya kɛ, ǹe do kɛnin tɛ iwo niisɔɔnminaba min ve.

Luka 18:13

Kɛɛ niisɔɔnminaba ka to poon. A do ma diɲa ka hali a ɲa lajɛlɛ sanma, fɔ ka kɛ a sisi magbasile josomakasi boloma, a vɛɛ: ‹Ala, hena ǹ na, ǹe min yi julumbutɔ le.› »

Kɛkolu 20:36

Pɔli wɔlinin wo fɔla, a k'a kumɛlɛni bila duu ma ka Ala dali ai fɛ.

Kɛkolu 21:5

Kɛɛ mɔ taa lon senin, mɔ ka bɔ je ka taa. Ailu ni ai mosolu ni ai dennu ka bɔ so kɔnɔ ka taa mɔ lɔsiya kulunba dala. Mɔ bɛ ka mɔ kumɛlɛni bila duu ma kɔɔji kawun na ka Ala dali.

Kɛkolu 7:60

Wo fɔ, a k'i bilin a kumɛlɛni la ka gbanɔ, a vɛɛ: «Ǹ Tii, i kà min jate ai ma julumbu le.» Wo fɔ a bolo, a ka sa.

Kɛkolu 9:40

Kɛɛ Piyɛli k'ai bɛ labɔ bon na, k'i bilin a kumɛlɛni la ka Ala dali. A do k'a ɲa kaa fuleni lɔ k'a fɔ a yɛ, a vɛɛ: «Tabita, i wuli!» Wo fɔ, moso ɲa la ka ka. A do ka Piyɛli ye mingɛ, a k'i wuli k'i sii.

Hebululu 5:7

Isa ya dunuɲalɔtɛɛ lɔ, a ka madaili ni madiyali kɛ Ala yɛ kasikan ba ni ɲaji lɔ, a see tɛɛ min yɛ k'a lakisi saya ma. Ado Ala ka aa madailikan javi ka bɛn a ɲasiyanɲɛ le ma.