Luka 21:17 - Ala Ya Salatikan Kula Kitabu

¹⁷ Ài gbeyatɔ mɔɔ bɛ yɛ ka bɛn ǹa ko ma.

Luka 21:17 ပူးပေါင်းရင်းမြစ်များ

Matiyu 10:22

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.

Matiyu 24:9

«Wo timinnin kɔ, mɔɔlu kɛtɔ ài donna mɔɔlu bolo, fɔsa ai y'ài jangata k'ài faa. Ài gbeyatɔ dunuɲa siboloma bɛ yɛ ka bɛn ǹa ko ma.

Matiyu 5:11

«Duwawuden ne ài le ni mɔɔlu k'ài jɛvɛ, k'ài jangata, ka tɔɔla ài la, ani ka kuma yon suu bɛ fɔ ài ma ǹa ko lɔ.

Malɛkɛ 13:13

Ài gbeyatɔ mɔɔ bɛ yɛ ka bɛn ǹa ko ma. Kɛɛ ni mɔɔ min ka gbeleya mina a ma ka sii tɔlɔya laban na, wo tii yi kisile.»

Luka 21:16

Hali ài sɔlɔnbalu gbu, ni ài badenmalu, ni ài balamɔɔlu, ani ài tɔvalu, wolu le kɛtɔ ài donna mɔɔlu bolo fɔsa ai y'ài dɔlu faa.

Luka 21:18

Kɛɛ wo bɛ n'a kɛ, hali ài kunsi kaali kelen gbu tɛnala tununna.

Luka 6:22

«Duwawuden ne ài le, ni mɔɔlu k'ài lagbeyaɲɛ, k'i ban ài lɔ, k'ài nɛnin, ani k'ài tɔɔyon fɔ ka bɛn Mɔɔnivin Tanin ya ko ma.

Yohana 15:19

Ni do ài tɛɛ kɛ dunuɲa ta le, a tɛɛ ài kanule iwo a ta. Kɛɛ ài tɛ dunuɲa ta le, kamasɔlɔn ǹ n'ài tala k'ài bɔ a bolo. Wo le n'a kɛla, àiya ko gbeyanin dunuɲa yɛ.

Yohana 15:21

Kɛɛ ai kɛtɔ ko wolu bɛ kɛla ài la ka bɛn ǹa ko le ma, kamasɔlɔn ai ma ǹ kelaba lɔn.

Yohana 17:14

M̀'ɛ i kumakan lase ai ma, ado dunuɲa vɛ ai lagbeyaɲɛ, kamasɔlɔn ai tɛ dunuɲa ta le iwo ǹe gbu tɛ dunuɲa ta le teme.

Yohana 7:7

Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin.

Kɛkolu 9:16

A do kɛtɔ tɔlɔya minu masɔlɔnna ǹa ko lɔ, ǹe gbu le kɛtɔ wo jiyala a la.»

2 Kolɛntikalu 12:10

Wo le y'a ma, ni ǹ ka kɛ fangandan ne, ni mɔɔlu ka ǹ jɛvɛ ka ǹ jangata, ni gbɛlɛgbɛlɛ ni tɔlɔya ka m̀ masɔlɔn, wo bɛ yi ǹ ɲɛnɛle ka bɛn Masa Tɔɔmasenin ya ko ma. Kamasɔlɔn ni ǹ ka kɛ fangandan ne waate min nɔ, ǹ kɛtɔ fangama le le waate wo lɔ.

2 Kolɛntikalu 4:11

Damanda m'i mɔ nii la, m'i saya le dakɔlɔ kudein Isa ya ko lɔ, fɔsa Isa ya niimaya la yi nkɛnɛmaya mɔ fali sata lɔ.

2 Kolɛntikalu 4:5

Mɔ tɛ kawanili kɛla ka bɛn mɔ jɛlɛ ma, mafɔ Masa Tɔɔmasenin Isa ya Tiiya. Ado mɔ vɛ mɔ jɛlɛ kɛ àiya jɔn ne ka bɛn Isa ya ko ma.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

1 Piyɛli 4:14

Ni ài ka jɛvɛli masɔlɔn ka bɛn Masa Tɔɔmasenin tɔɔ ma, wo vɛ kɛla, duwawuden ne ài le, kamasɔlɔn Nii nɔɔlɔnin, min kɛnin Ala Nii le, wo vɛ la ài kɔkan.

Ko Lankɛnɛmayanin 2:3

Ǹ k'a lɔn kɔtunun ko i vɛ tɔlɔyalu mina i ma sawali boloma ka bɛn ǹ tɔɔ ma, ado i falilɔ ma teeya.