Luka 20:21 - Ala Ya Salatikan Kula Kitabu

²¹ Wo lɔ, ai k'a maɲininga, ai vɛɛ: «Kalanmɔɔ, mɔ k'a lɔn ne i yi kumala ka mɔɔlu kalan a ɲa gbugbu le ma. I tɛ mɔɔ lɔtɔmɔnna, mafɔ ka mɔɔlu kalan tuɲandeya boloma ka bɛn Ala ya siya ma.

Luka 20:21 ပူးပေါင်းရင်းမြစ်များ

Matiyu 22:16

Wo le k'a kɛ, ai k'aiya kalannaden dɔlu ni Masakɛ Helodi kɔmɔɔ dɔlu lataa a ma. Wolu do vɛɛ a yɛ: «Kalanmɔɔ, mɔ k'a lɔn ne ko tuɲande le i le. I do yi mɔɔlu kalanna ka bɛn Ala ya siya ma tuɲandeya le boloma. Mɔɔ miliya tɛ i masiyanna, kamasɔlɔn i tɛ mɔɔ bɔla mɔɔ lɔ.

Malɛkɛ 12:14

Ai ka na k'a fɔ Isa yɛ, ai vɛɛ: «Kalanmɔɔ, mɔ k'a lɔn ne tuɲande le i le. Mɔɔ miliya t'i masiyanna, kamasɔlɔn i tɛ mɔɔ bɔla mɔɔ lɔ, mafɔ i yi mɔɔlu kalanna ka bɛn Ala ya siya ma tuɲandeya le boloma. Wo lɔ, i i miliya fɔ mɔ yɛ butu. Ka niisɔɔn sala Lɔmu masakɛba Sezale ma, wo ladaanyine mɔ ma, baa wo ladaannin tɛ? Mɔ ka kan ka wo sala, baa mɔ kà a sala?»

Luka 20:20

Wo le n'a kɛla, ai tɛɛ Isa lasaala ka a lakɔlɔsibalu lataa a ma, minu tɛɛ ai jɛlɛ kɛla iwo mɔɔ sɔvɛlu, fɔsa ai y'a mina a jɛlɛkanu dalakan fɛ, ka ban k'a don Lɔmu jamanatii bolo, a see yi min yɛ k'a kiti.

Luka 20:22

Wo lɔ saa, i miliya fɔ mɔ yɛ butu. Ka niisɔɔn sala Lɔmu masakɛba Sezale ma, wo ladaanyine mɔ ma, baa wo ladaannin tɛ?»

Yohana 3:2

Lon dɔ, a ka taa Isa fɛlɔ su lɔ k'a fɔ a yɛ, a vɛɛ: «Kalanmɔɔ, mɔ k'a lɔn Ala le n'i kelayala mɔɔlu kalanko lɔ, kamasɔlɔn mɔɔ foi tɛ se iya kawananko minu ɲɔɔzii kɛla, ni Ala ma kɛ mɔɔ min fɛ.»

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

Galatiyakalu 1:10

Jalasa ǹ'i adamadennu ya matɔɔli le ɲininna yi ne, baa Ala ta? Jalasa ǹ'a fɛ ǹa ko yi diya mɔɔlu le yɛ? Ni ǹ tɛɛ a fɛ ǹa ko yi diya mɔɔlu yɛ kɔtunun, ǹ tɛɛ tɛnala kɛla Masa Tɔɔmasenin ya bɔiden ne.

Galatiyakalu 2:6

Kɛɛ mɔɔ minu kɛnin tɛɛ iwo jama ɲamɔɔlu, wolu ma foi la ǹ kun wo kɔ. Ni do mɔɔlu tɛɛ ai jatela ɲamɔɔlu le le, ǹa ko pa tɛ wo lɔ, kamasɔlɔn Ala tɛ mɔɔ lɔtɔmɔnna.