Luka 2:25 - Ala Ya Salatikan Kula Kitabu

²⁵ Wo waate lɔ, kɛmɔba dɔ tɛɛ Jelusalɛmu, min tɔɔ tɛɛ ko Simiyɔn. Mɔɔ telennin ni Alaɲasiyanɲɛmɔɔ le tɛɛ a le, min tɛɛ Bani Isilankalu masawali waate makɔnɔna Ala bolo. Ado Nii Sɛnɛyanin tɛɛ a kɔkan.

Luka 2:25 ပူးပေါင်းရင်းမြစ်များ

Malɛkɛ 15:43

Wo k'a talan, mɔɔba dɔ tɛɛ je, min fɛ tɛɛ kititɛɛjama la, ai tɛɛ a fɔla min ma ko Jusufu Alimateka. A do tɛɛ Ala ya masaya waate makɔnɔna. Jusufu k'a josolagbeleya ka taa Pilati fɛlɔ ko a yi Isa fuleni don a bolo.

Luka 1:41

Elizabɛti ka Mɔyamu ya folikan mɛn mingɛ, a den v'i lamaamaala telemanin a kɔnɔlɔ. Nii Sɛnɛyanin ka Elizabɛti josokun lafa,

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Luka 1:67

Yaya fa Zakaliya joso la ka fa Nii Sɛnɛyanin la, a do vɛ kelaya kɛla, a vɛɛ:

Luka 2:38

Wo waate kelen nɔ, a k'i madon denni wolobalu la. A do vɛ balika bɔla Ala yɛ, ani ka to denni ya ko fɔla mɔɔ bɛ yɛ, minu tɛɛ Jelusalɛmu kunmaka waate makɔnɔna.

Kɛkolu 10:2

Kɔɔnɛli tɛɛ Alaɲasiyanɲɛmɔɔ le le, ale ni aa bonnamɔɔlu bɛ. A do tɛɛ koɲuma kɛla mɔɔlu yɛ kosɛvɛ, ani ka Ala dali kudein.

Kɛkolu 10:22

Ai do ka Piyɛli javi, ai vɛɛ: «Sɔdasi kuntii Kɔɔnɛli le na mɔ lanala. Mɔɔ telennin ne a le, ani Alaɲasiyanɲɛmɔɔ, Jahudiyalu bɛ yi min buɲala kosɛvɛ. Lɔhɔlɔma mɛlɛka dɔ le n'a fɔla a yɛ ko a y'i kili aa bon na, fɔsa a a tolomalɔ i kumakan na.»

Kɛkolu 2:5

Wo k'a talan, Jahudiya siyama jiyanin tɛɛ Jelusalɛmu, minu tɛɛ Alaɲasiyanɲɛmɔɔlu le ka bɔ dunuɲa jamana bɛ lɔ.

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

2 Piyɛli 1:21

Kamasɔlɔn kelayakuma foi ma bɔ adamaden sawo lɔ feu, mafɔ mɔɔlu ka Ala kumakannu fɔ iwo Nii Sɛnɛyanin k'ai lɔ a la teme.